Uchunguzi wa mwaka mzima ulionesha kuwa asilimia 50 ya viongozi wa Somaliland wanazo na wanazitumia paspoti za Jamhuri ya Djibouti. Maafisa wengi wa intelijensia, Mawaziri, Wabunge, viongozi wa kikabila. Waandishi wa habari na wafanyabiashara maarufu wa Somaliland wanatumia paspoti hii. Maafisa wa intelijensia wa Djibouti wanaotaka wasitajwe majina yao waliiambia Waagacusub kuwa pasipoti hizi huwa zinaongezwa muda mara mmoja kila baada ya miaka mitatu. Aliongeza kuwa raisi Ismael Omar Ghuelleh aliidhinisha kutolewa kwa pasipoti hizi, lakini alikataa kutoa maelezo zaidi. Vikundi vya upinzani vilieleza wasiwasi wao wa kuidhinishwa kwa paspoti hizi za Djibouti kwa raia wa Somalia wenye mafunagamano ya karibu ya kibiashara, kisiasa na kiintelijensia na Raisi Ghuelleh. Miongoni mwa wale wanaotumia pasipoti za Djibouti ni waziri wa mambo ya ndani wa Somaliland Mohamed Arraleh Nur aka Duurjaan, na msemaji wa raisi Abdullahi Ukuseh. Wawili hao wanaaminiwa kuwa ni wafanyakazi wa Idara ya Intelijensia ya Djibouti. Imegunduliwa kuwa yote haya yanafikiriwa na wengi kuwa ni mpango mpana wa Djibouti kuichukua Somaliland. Mhusika mkuu anayesimamia kuchukuliwa huku ni gavana wa Benki Kuu ya Djibouti Jama Hayd. Nyaraka zilizopatikana na Waagacusub.com zinaonesha kuwa gavana alilipa kiwango kikubwa cha fedha kwa mwenyekiti wa Baraza la wawakilishi la Somaliland Bw. Abdirahman Irroh, anayetoka kabila moja na mke wa raisi wa Djibouti. Zaidi ya hayo, Djibouti inaweza kuzuwia mawasiliano ya intaneti kwa watumiaji wenyeji nchini Somaliland.