Mungu awalaani magaidi wote wanaojaribu kufanya mashambulizi maovu ya kigaidi, wakikusudia kupandikiza hofu na kueneza vurugu na uhalifu; pamoja na kuchochea migogoro. Tayari wamesababisha vifo vya watu wengi wasio na hatia kwa kupiga mabomu ya kutega, kuua, kuteka nyara na kuchinja, kuiba na kutesa na kuendeleza mfululizo wa ukiukaji wa haki dhidi ya raia wasio na hatia. Watu hawa ni vikundi vya kigaidi tu, vinavyohakikisha kujilimbikizia mali wakati vinahatarisha usalama na utulivu wa taifa. Lengo lao ni kuigeuza Somalia kuwa taifa la fujo na lisilo na utulivu, kuondosha amani na utulivu. Kwa hivyo, Mungu amlaani kila mtu anayesababisha madhara, uharibifu, ugaidi na maovu kwa watu. Tunamuomba Mungu kumuokoa kila mtu kutokana na maovu na madhara yao, na kurejesha usalama wa nchi. Tunamuomba Mungu kuleta ahuweni kwa nchi zote zinazoteseka kutokana na tatizo kama hili. Kila mtu sasa anahisi shinikizo la vurugu na ugaidi unaosababishwa na wahalifu na magenge haya. Wanajaribu kuwadhibiti watu kwa nguvu. Wanatumia fursa ya hali mbaya ya nchi, kujenga uwepo wao miongoni mwa watu na baadaye kufanya ugaidi na kuwatisha. Wanataka kupandikiza hofu, mfumo wa vikundi vya imani, chuki, uhasama na mapigano miongoni mwa watu, ili fujo zienee kila pahali.

Somalia inacho kikundi cha kigaidi hatari sana katika Afrika, Al-Shabaab na uhalifu wao wa kutisha kwa binadamu na uharibifu wa mali. Uhalifu wa kwanza ambao kikundi hiki kinahusika nao ni kuandikisha watoto kama askari. Wanawateka nyara watoto wadogo na kuwatumia kama askari na kusema kwamba watoto ni rahisi kuwafinyanga. Al-Shabaab pia wanahusika na mauaji ya watu wasio na hatia katika vita vyao dhidi ya serikali ya shirikisho nchini Somalia. Vile vile, al-Shabaab wanahusika na vitendo vya uhalifu katika nchi jirani kama vile Kenya na Ethiopia. Uhalifu huu ni mbaya kwa watu wa Somalia na kwa bara la Afrika kwa ujumla kwa sababu zinawakimbiza wawekezaji wa kigani na matokeo yake ni kuathiri uchumi wa bara la Afrika.