• 2 Maoni
• Chapisha
• Baruapepe
• Tweet
• Panga upya

Waandishi wa habari na vikundi vya vyombo vya habari vimelaani mauaji yanayolengwa waandishi wa habari baada ya watu wenye silaha kumpiga risasi na kumjeruhi mtoa habari wa radio Mohamed Nur Sharif siku ya Ijumaa jioni (tarehe 8 Juni).

Sharif, anayefanyakazi katika Radio Bar-Kulan inayofadhiliwa na UN, alipigwa risasi alipokuwa akirejea nyumbani kutoka mitaa ya Hamar Jajab mjini Mogadishu. Watu watatu waliokuwa na bastola walimpiga risasi Sharif mara mbili, moja ya kifua nyengine ya mgongo, Bar-Kulan iliripoti.

Sharif alifanyiwa upasuaji anaendelea vizuri. Hii ni mara ya pili kwa Sharif kujeruhiwa akiwa kazini. Mwezzi wa Aprili, alikuwa miongoni mwa waandishi wa habari zaidi ya kumi waliojeruhiwa katika bomu la kujitoa muhanga la al-ShabaaJumba la Taifa la Maonesho

"Tunalaani mashambulizi haya ya kutisha dhidi ya wenzetu wakati washambuliaji hao hawaadhibiwi,” alisema Katibu Mkuu wa Umoja wa Kitaifa wa Waandishi wa Habari wa Somalia Mohamed Ibrahim. “Tunaitaka serikali ya Somalia kufanya uchunguzi huru mara moja kuhusu tukio hili.”

Jumuiya ya Waandishi wa Habari wa Somalia walioko Uhamishoni huko Nairobi (SEJASS) pia walilaani jaribio hilo la mauaji na kuitaka serikali ya Somalia “ kufanya uchunguzi wa kina wa kesi hii na kuwakamata washambuliaji waliohusika”.

“Mashambulizi dhidi ya waandishi wa habari kunahatarisha uhuru wa vyombo vya habari nchini,” mwenyekiti wa SEJAS Mohamed Osman Hussein alisema katika taarifa.

Hakuna kikundi kilichodai kuhusika na shambulio hilo. Mpaka sasa, waandishi wa habari watano wa Somali wameshauliwa mwaka huu na watu wenye silaha wasiojulikana.