• 1 Maoni
• Chapisha
• Baruapepe
• Tweet
• Panga upya

Wawakilishi kutoka nchi 54 walikusanyika mjini Istanbul hapo Alhamisi (tarehe 31 Mei) ili kutafuta njia kwa ajili ya hatma bora ya Somalia, AFP iliripoti.

Somalia inahitaji juhudi za kimataifa za ujenzi mpya ili kusaidia juhudi za sasa za utulivu na kusitisha miaka 20 ya machafuko katika Pembe ya Afrika, viongozi walisema katika ufunguzi wa Mkutano wa Pili Juu ya Somalia Mjini Istanbul.

Waziri Mkuu wa Somalia Abdiweli Mohamed Ali alisema Somalia iko tayari kwa maendelo ya muda mrefu na kuwaomba “wafadhili wengi kutoa mchango wa amana kwa Somalia”.

“Hatima ya Somalia iko mikononi mwa Somalia,” alisema katika ufunguzi wa mkutano wa siku mbili.

Naibu Waziri Mkuu wa Uturuki Bekir Bozdag alisema, “Baada ya kipindi kirefu cha kutokuwepo kwa utulivu na mgogoro, sasa mbele yetu tuna fursa kwa amani na usalama wa kweli.”

Bozdag alisema Mogadishu iko wazi kwa biashara na kutoa wito wa juhudi za kimataifa za ujenzi mpya.

"Tupo katika kilele cha uwezekano wa mabadiliko ya bahari, na Somalia inayo fursa nzuri ya amani kwa miongo kadhaa sasa,” alisema Mwakilishi Maalumu wa Umoja wa Mataifa nchini Somalia Augustine Mahiga, na kutaja ushindi wa kijeshi dhidi ya al-Shabaab na “kushamiri” kwa biashara mjini Mogadishu. “Ni matumaini yangu kuwa mkusanyiko huu utafafanua mambo ya mikakati baada ya Agosti, na kuimarisha umiliki wa Somalia wa mchakato katika ubia na watendaji wa kikanda na kimataifa.”

Mkutano huo wa siku mbili – unaofuatiwa na Mkutano wa London hapo Februari -- ulianza kwa majadiliano miongoni mwa maafisa waandamizi, wataalamu na wafanyabiashara juu ya masuala manne makuu: maji, nishati, barabara na uendelevu.

Siku ya Ijumaa, mkutano utashughulikia upeo wa sera ya msaada kwa Somalia, kwa ushiriki wa mkuu wa Umoja wa Mataifa Ban Ki-moon, Rais wa Somalia Sharif Sheikh Ahmed, Waziri Mkuu wa Uturuki Recep Tayyip Erdogan, pamoja na Waziri wa Mambo ya Nje wa Uingereza William Hague.

Lengo moja kuu la mkutano hilo litakuwa kueleza kwa muhtasari hatima ya Somalia kwa kupanga malengo hadi 2015, kwa mujibu wa wizara ya mambo ya nje wa Uturuki.

Mamlaka ya serikali ya mpito ya Somalia yatamalizika mwezi Agosti. Viongozi wa Somalia hivi karibuni walikubaliana juu ya ratiba kwa urefu ambayo itaonesha hatua zinazohitajika ili kumaliza kipindi cha mpito na kuchagua raisi mpya.