• 2 Maoni
• Chapisha
• Baruapepe
• Tweet
• Panga upya

Ujumbe wa Ulaya uliwasili Puntland Jumatano (tarehe 7 Machi) kutathmini juhudi dhidi ya uharamia katika mkoa huo, mtandao wa Habari wa Shabelle wa Somalia uliripoti.

Wawakilishi thelathini na watatu kutoka Uingereza, Norwe, Denmaki na Uholanzi walitembelea Garowe kuhakiki miradi dhidi ya uharamia inayogharimu mamilioni ya dola inayofadhiliwa na Ulaya, kwa mujibu wa Mkurugenzi anayekabili uharamia wa Puntland Abdirizak Mohamed Ducaysane.

Wakati huohuo, Umoja wa nchi za Ulaya uliahidi kuongeza ugharimiaji kwa Misheni ya Umoja wa Afrika nchini Somalia kwa dola milioni 132, pamoja na kuongeza uwepo wa jeshi lake katika maeneo maji ya Pembe za Afrika. Gazeti la Daily Nation la Kenya liliripoti Jumatano. Tangazo hili lilikuja kufuatia mkutano uliofanyika Brussels kati ya Waziri Mkuu wa Kenya Raila Odinga na rais wa Baraza la Ulaya Herman Van Rompuy.

Umoja wa Ulaya utaongeza operesheni za jeshi lake la majini katika Pembe ya Afrika hadi 2014, ukipeleka ujumbe wa kusimamia migogoro ya kiraia kujenga uwezo wa mambo ya bahari katika mkoa huo.

“Ni tumaini langu kuwa kwa kuunganisha nguvu tutaweza kuchangia kuongeza usalama nchini Somalia na kurejesha amani na utulivu katika nchi hii,” Van Rompuy alisema. Rais wa Ulaya pia aliishukuru Kenya kwa kuchangia maasikari kwa AMISOM.

Odinga, ambaye aliomba Ulaya na nchi nyingine kuendelea kuwajibika katika kuimarisha Somalia, alisema kuna “mwanga mwishoni mwa shimo refu la chini kwa chini la kutoka sehemu moja kwenda nyingine” kuhusiana na mgogoro wa Somalia, akiwataka kuwekeza kaskazini mwa Kenya pamoja na Somalia.