• 7 Maoni
• Chapisha
• Baruapepe
• Tweet
• Panga upya

Kampeni za uchaguzi wa rais nchini Somalia zimeanza kwa dhati zikiwa na wagombea 21 wanaogombea Villa Somalia -- kasri ya rais jijini Mogadishu.

Kufanyika kwa uchaguzi jijini Mogadishu kutakuwa ushindi wa kihistoria kwa watu wa Somalia, alisema Abdirashid Abdi Ahmed, msimamizi wa programu wa Redio Bar-Kulan inayofadhiliwa na Umoja wa Mataifa yenye makao yake Nairobi.

Aliiambia Sabahi kuwa uchaguzi huu ni muhimu mahsusi kwa sababu kwa miaka kadhaa iliyopita serikali ya mpito iliundwa nje ya nchi. Kwa mara ya kwanza kutoka kuanza kwa vita vya wenyewe kwa wenyewe, mabunge yote mawili ya bunge na rais yatachaguliwa kutoka ndani ya jengo la bunge jijini Mogadishu.

Ajoos Sanuura, mshauri wa usalama kwa kamanda wa polisi wa Somalia, alisema kuwa kufanyika kwa uchaguzi wa rais jijini Mogadishu ni jambo la kuvutia na chanzo cha motisha kwa vikosi vya usalama kufuatilia  jitihada za kueneza utulivu na usalama nchini kote Somalia.

"Mogadishu inashuhudia shughuli za kisiasa zisizo na mfano na mikutano mikubwa kati ya rais wa Somalia Sheikh Sharif Sheikh Ahmed na viongozi wa kikabila kuwaleta katika kuelekea kwenye uidhinishaji rasmi wa katiba na kuwachagua wajumbe wa bunge la shirikisho," Sanuura aliiambia Sabahi.

Wagombea

Ahmed alitangaza ugombea wake kwa kipindi cha pili kama rais tarehe 25 April kuendelea kutekeleza programu za usalama na siasa ambazo alisema zimethibitisha mafanikio katika kuwaangusha al-Shabaab. Pia aliahidi kufanya taasisi za serikali na mahakama kufanya kazi kikamilifu, zikitoa njia kwa jitihada za ujenzi upya nchini kote kuinua uchumi.

Hata hivyo, Ahmed alisema anakaribisha ushindani kwa urais. "Nina furaha kabisa kuona wagombea wakifika katika mji mkuu kushiriki kwa ukaribu na kinyanganyiro kikubwa cha ushindani kwa kiti cha urais, kwani kila mgombea alitangaza programu yake ya kisiasa kwa kujiamini kama uadilifu na usawa wa uchaguzi unavyostahili," Ahmed alisema Juni.

Baada ya wajumbe wa Bunge la Katiba kuchaguliwa na rasimu ya katiba kuidhinishwa, wajbunge watamchagua spika wa bunge na manaibu wawili ifikapo tarehe 4 Agosti na rais ifikapo tarehe 20 Agosti, kwa mujibu wa orodha iliyopo..

Hata hivyo, baadhi ya wachambuzi wa mambo ya kisiasa na wanasiasa wanasema uamuzi wa Ahmed kutaka awamu ya pili ya miaka mitano umebadilisha nguvu ya kinyang'anyiro cha jamii. Viongozi wengi wana mawazo kwamba Ahmed, na Spika wa Bunge Sharif Hassan Sheikh Aadan, watakuwa na faida kwani wanatafuta kushika madaraka na kuendelea kuiongoza serikali.

Abdirahman Abdishakur Warsame, mjumbe wa bunge la mpito na mwenye matumaini ya urais alisema rais ana faida muhimu kwani yupo madarakani.

Zaidi ya Warsame, rais wa sasa, spika na Waziri Mkuu Abdiweli Mohamed Ali, wafuatao ni kati ya idadi ya wagombea wa nafasi ya urais: waziri mkuu wa zamani Mohamed Abdullahi Farmaajo, mwanadiplomasia mzoefu Abdullahi Mohamed Adow, mwanajeshi wa zamani na muislamu wa msimamo wa kati Abdirahman Mohamed Badiyoow, profesa Ahmed Mumin Warfa, mfanyabiashara Hajj Mohamed Yasin, profesa Ahmed Ismail Samatar, mwanataaluma na mwalimu wa zamani wa katika chuo kikuu huko Mogadishu Hassan Sheikh Mohamud, mbunge na waziri wa zamani Mohamed Mohamud Guled, na mbunge Mohamed Qanyare Afrah.

Rais wa Somalia alisema kwamba kila mgombea anapaswa kujua kwamba atashughulikia nchi ambayo imeharibiwa, ina uchumi dhaifu, na taifa lenye majeraha ambalo limekuwa likikerwa kwa vita na ukame.

"Siasa sio tu kugombea nafasi ya urais peke yake wakati ukiiacha nafasi nyingine za kisiasa za kuihudumia nafasi za nchi," alisema.

Mwanaharakati wa masuala ya Kijamii Zeytoon Ibrahim alisema wanatakiwa kuwa wazi katika uchaguzi ili kuzuia wagombea kulipia kura, hali itakayosababisha wagombea wengine kutolewa nje ya kinyang'anyiro.

Alitoa angalizo kwamba jumuiya ya kimataifa ilikuwa ikihitaji kipindi cha mpito kumalizika kwa amani na kidemokrasia, kikisogea kuelekea utawala thabiti wa shirikisho ambao utashirikisha matabaka yote ya jamii ya Somalia.

Intaneti yatoa ushawishi katika kampeni

Mchambuzi wa masuala ya siasa nchini Somalia anasema baadhi ya wagombea wanaoishi nje ya Somalia wanatumia intaneti kusaidia kusambaza mawazo yao na ajenda, ambazo pia zimewafikia idadi kubwa ya wagombea muhimu.

Profesa Ahmed Ali, mtaalamu wa masuala ya siasa na usuluhishi wa migogoro, aliiambia Sabahi kwamba awamu hii ya uchaguzi wa rais ina wagombea wengi mara mbili ya uchaguzi wa rais wa kipindi cha mpito mwaka 2000, 2004 na 2009, ambavyo kila kipindi kilihusisha wagombea si zaidi ya 15.

Dahir Mohamud, mchambuzi wa masuala ya kisiasa na kijamii, alisema intaneti inawaruhusu wagombea kueleza maoni yao kwa watu wengi zaidi, mawazo na shauku yao, ambayo haikuwezekana wakati wa uchaguzi uliopita wa rais wa Somalia nchini Djibouti na Kenya.

"Kinachofurahisha sasa ni kiwango cha uelewa kuhusiana na siku zijazo za taifa na wasiwasi wake, kwani watu wengi wa Somalia walieleza matakwa yao ya kufanya kazi kwa uaminifu kuelekea katika Somalia ya kidemokrasia na ya shirikisho," Mohamud aliiambia Sabahi. "Hili linaongeza kujiamini katika siku zijazo za Somalia, bila kujali ni nani atachukua madaraka makubwa ya Somalia au [mwelekeo] wake wa kisiasa."