• 2 Maoni
• Chapisha
• Baruapepe
• Tweet
• Panga upya

Barabara inayounganisha Hargeisa na Ina Guha katika mpaka wa Ethiopia inawekwa sawa na kuboreshwa, kwa kushukuru juhudi za kukusanya fedha za jamii ya Somaliland.

Ujenzi huo wa barabara ya kilomita 80 ulianza rasmi mwanzoni mwa mwezi huu huko Hargeisa, na inatarajiwa kuinua uchumi wa na kurahisisha usafirishaji wa bidhaa na huduma baina ya Somaliland na Ethiopia.

Mradi wa ujenzi, ambao utagharimu dola milioni 4.2, unafadhiliwa na jamii zinazoishi Hargeisa na Salahley pamoja na msaada wa wananchi wa Somaliland wanoishi nje, kwa mujibu wa Sheikh Mohamed Ali Gedi, naibu mkurugenzi wa bodi ya kamisheni ya barabara.

Gedi alisema barabara ya Hargeisa-Ina Guha mwanzo ilijengwa nchini Somalia na serikali ya Italia miaka ya 60 ili kuunganisha Hargeisa na Ethiopia na miji mengine ya mipakani na miji ya Somalia.

Alisema jamii inayoishi katika eneo hili ilikuwa na wazo la barabara ya lami miaka kadhaa iliyopita.

“Wakati pesa ya ujenzi ilikadiriwa kuwa zaidi ya dola milioni 4, watu walifikiria kuwa hilo haliwezekani, lakini sasa wamegundua kuwa inawezekana,” Gedi alisema katika hotuba yake ya sherehe za uzinduzi wa ujenzi huo hapo tarehe 6 Juni.

“Ni furaha kubwa kwetu kuanzisha ujenzi mpya wa barabara hii muhimu sana,” alisema. Nchi zinazoendelea hazipata mafanikio kwa kitu walichopelekewa, bali kwa hamu za wananchi wao za kuziendeleza nchi zao.”

Gedi alisema pesa kwa ajili ya kazi za barabara zilifadhiliwa na mashirika ya ndani, wafanyabiashara, wanaume na wanawake wanaoishi Hargeisa na Salahley, pamoja na jamii inayoishi uhamishoni. “Mtu yeyote anaweza kuchangia kwa hari yake katika mpango huu,” Gedi alisema.

Alisema barabara hiyo itajengwa kwa awamu kadhaa, katika sehemu za kilomita 13 kila moja.

Guled Osman, mjumbe wa kamisheni ya barabara, alisema jamii ilianza kuchangisha fedha za mradi huu hapo Disemba 2011. Mpaka sasa wameshakusanya dola milioni 1.7, wakati vifaa na zana zenye thamani ya dola milioni 1.4 vilitolewa na mfanyabiashara wa Hargeisa Omar Aided.

Meya wa Hargeisa Hussein Mohamud Jiir alisema serikali ya mtaa imechangia dola 20,000 za kuanzia mradi, na iko tayari kuchangia zaidi. Alisema Mamalaka ya Barabara ya Somaliland pia imeahidi kushiriki katika maendeleo ya ujenzi wa barabara ya Hargeisa-Salahley-Ina Guha.

Kurahisisha biashara, kutoa nafasi za kazi

Abdirahman Aden Aar, mhadhiri wa uchumi katika Taasisi ya Utumishi wa Umma ya Hargeisa, alisema barabara itarahisisha maingiliano baina ya jamii na ubadilishanaji wa bidhaa na huduma baina ya Somaliland na Ethiopia, na itatoa nafasi za kazi kwa watu wengi.

“Barabara hii ni muhimu kwa uchumi wa eneo hili, mzunguko wa watu na ubadilishanaji wa bidhaa na huduma,” Aar aliiambia Sabahi. “Ninaweza kusema kuwa barabara hii ni muhimu sana kwa uchumi wa Somaliland.”

“Biashara za wenyeji zitafaidika kutokana na uuzaji wa lami, mafuta na vitu vingine vinavyohitajika katika ujenzi wa barabara," alisema.

Mbunge wa Somaliland Abdirahman Osman Alin, anayewakilisha Kusini ya Hargeisa na Salahley, alisema serikali ya mtaa itamualika Rais wa Somaliland Ahmed Mohamed Silanyo baada ya kilomita 13 zitakapokamilika ili kuwahamasisha watu kutoka maeneo mengine kutoka Somaliland kuunga mkono mradi huu.

Alin alisema ujenzi wa barabara hii utaongoza maendeleo na kupambana na umasikini, na mara awamu ya mwanzo itakapokamilika, tutaihamasisha jamii kusaidia mradi ili kumaliza sehemu iliyobakia ya barabara.

Gedi, naibu mkurugenzi wa bodi ya kamisheni ya barabara, alisema ujenzi wa barabara utakamilika mwaka huu. “Ikiwa pesa zitakusanywa, inaweza kumalizika kasoro ya miezi sita,” alisema.