• 16 Maoni
• Chapisha
• Baruapepe
• Tweet
• Panga upya

Viongozi wa Kenya waliwashutumu al-Shabaab kwa mashambulio mawili yaliyolenga kanisa na mgahawa katika eneo la Mombasa Jumamosi (tarehe 31 Machi), wakilaani vurugu na wakiapa kuwakamata mara moja.

“Tutatumia rasilimali zote zilizopo kuondoa kundi hili la kigaidi,” alisema Waziri wa Usalama wa Ndani wa Kenya George Saitoti mjini Mombasa wakati akiwafariji waathirika katika Hospitali Kuu ya Mkoa wa Pwani. “Wakenya wawe na tahadhari wakati wote. Hatutachoka kuwasaka watu hawa hadi tuwamalize. Wameangamiza nchi yao na sasa wamekuja hapa kuharibu uchumi wa Kenya.”

Mtu mmoja aliuawa na 33 kujeruhiwa katika mashambulio ya Jumamaosi. Shambulio la kwanza lilitokea saa 12:30 njioni, likilenga mkusanyiko wa wakristo katika eneo la wazi la mkusanyiko wa maombezi huko Mtwapa, takribani kilometa 10 kaskazini mashariki mwa Mombasa. Shambulio la pili lilipiga baa huko jirani na Tanonoka ya Kenya kama saa 1:00 jioni hivi.

Mlipuko huo umetokea kipindi cha chini ya mwezi baada ya shambulio lingine la mlipuko katika kituo kikubwa cha nchi cha usafirishaji wa umma na chenye watu wengi huko Nairobi, ambapo watu tisa waliuawa na 60 kujeruhiwa. Jeshi la polisi na Serikali ya Kenya pia waliwalaumu al-Shabaab kwa mashambulio haya.

Waziri alisema serikali itawalinda Wakenya na wageni kutokana na al-Shabaab, ambao amesema wanataka kuiharibu Kenya.

Waziri Mkuu Raila Odinga amewahakikishia tena watalii na raia kuwa serikali imeimarisha Usalama. Akiongezea kuwa wanaoshirikiana na washambuliaji watakamatwa.

“Polisi wetu wamegundua ushahidi muhimu sana, ambao hatuwezi kuuzungumza hadharani. Wanatumia vielekezo vizuri sana wakati wakijaribu kuwakamata wale wote walio nyuma ya vitendo hivi vya kutisha,” alisema Odinga, ambaye pia alitembelea maeneo yaliyodhurika na kuwatembelea waathirika hospitalini.

“Kenya iko salama. Hakuna atakayewatishia watalii. Waendelee kuja Kenya na serikali itawalinda,” aliviambia vyombo vya habari.

Msemaji wa Waziri Mkuu, Dennis Onyango, aliiambia Sabahi kuwa maofisa zaidi wa usalama wamepelekwa Mkoa wa Pwani kuimarisha usalama kwa kipindi ncha sikukuu ya Pasaka, kwa kuwa Mombasa ni sehemu kuu ya kusherehekea sikukuu nchini Kenya.

"Waziri mkuu ameagiza polisi na mawakala wengine wa usalama kuendelea na kasi ya kuimarisha usalama katika maeneo yote ya pwani na maeneo mengine ya nchi ambayo yanaweza kuwa yanalengwa na magaidi," alisema.

Mara baada ya viongozi wa ngazi za juu kuwalaumu kikundi kilichoshirikishwa na al-Qaeda kwa mashambulio, al-Shabaab walituma ujumbe katika akaunti yao ya Twittter wakitahadharisha mashambulio zaidi nchini Kenya kwa kuwa Jeshi la Ulinzi la Kenya linaendelea na shughuli zake nchini Somalia.

Zoezi la Linda Nchi la Kenya limefanikiwa kuwang’oa al-Shabaab kutoka Somalia Kusini tangu mwezi Oktoba, kufuatia mfululizo wa mashambulizi na utekwaji uliofanywa na wanamgambo wa al-Shabaab katika maeneo ya pwani ya Kenya. Utekaji ulifanywa zaidi kwa watalii wageni. Mwezi huu wanajeshi wa Kenya walishirikiana na majeshi ya AMISOM.

"Wananchi wa Kenya lazima watambue kwamba vikundi vingi vya Kenya vinaendelea kuwadhulumu Waislamu wa Somalia wasio na hatia, vichache vinatafuta maeneo ambayo wakenya wapo; na zaidi vinavyopinga wanavyojisikia Waislamu wa Somalia, zaidi sana vinabana maisha ya Wakenya yatakavyokuwa," kundi la wanajeshi lilitahadhalisha. "Hii ni sheria ya kutoa adhabu inayostahili. Usalama wenu unategemea usalama wetu. Ni vita ya muda mrefu na Wakenya ni lazima wasipate matarajio ya matokeo mazuri wala matumaini ya ushindi."

Sheikh Juma Ngao, mwenyekiti wa Baraza la Ushauri la Waislamu la Taifa, amelaani mashambulio hayo kuwa si ya haki na ni kinyume na Katiba ya Kenya.

"Huu ni uvunjaji wa haki za watu wengine kukusanyika na kuabudu. Ni kitendo cha kinyama na ni lazima kilaaniwe "aliiambia Sabahi. "Katiba inatuhakikishia na kulinda haki ya kila mtu na inapaswa kuheshimiwa. Serikali inapaswa kuwashughulikia kikamilifu wale wote waliohusika na mashambulio bila kujali imani zao."

Siku ya Jumatatu, hospitali kuu ya Mkoa wa Pwani ilitangaza kwamba watu waliojeruhiwa katika mashambulio walikuwa salama.

"Ninaweza kuthibitisha kwamba takriban watu 20 kati yao, wameruhusiwa na waliobaki wanaendelea vizuri. Hata yule mvulana mdogo ambaye hali yake ilikuwa mbaya ametolewa nje ya kitengo cha kuhudumia wagonjwa mahututi na atahitaji tu mtaalamu wa macho kumfanyia upasuaji moja kati ya macho yake," Dk. Maurice Simuyu, mkurugenzi wa tiba wa hospitali ya mkoa aliiambia Sabahi.

Mkuu wa Polisi wa Mkoa wa Pwani Aggrey Adoli aliiambia Sabahi kwamba vifaa vyenye mlipuko vilivyotumika katika mashambulio na askari wanajaribu kutafiti iwapo kuna kundi jingine la magaidi lililoshiriki katika mashambulio.

"Tunaendelea na uchunguzi na wanamgambo wa al-Shabaab ni mojawapo ya vikundi vya magaidi tunavyovichunguza," alisema. "Uchunguzi wetu wa awali unaonyesha kwamba kilichokuwa kikitumika katika mashambulio kilikuwa kikitoa milipuko, lakini bado tunaendelea kutafiti kuwa kilikuwa ni kifaa gani na uhakika wa chanzo chake."

Alisema pia kwamba usalama umekuwa pia ukiimarishwa katika maeneo muhimu kama vile kampuni iliyopo Mombasa ya Kenya Petroleum Refineries, Ltd.