Shirdoon oo booqday Dhuusamareeb

Maarso 04, 2013

  • +hoos ku faallee
  • Daabac
  • Dib u celi Yaree Kordhi

Ra'iisul-wasaaraha Soomaaliya Cabdi Faarax Shirdoon ayaa booqday Dhuusamareeb Isniintii (4-tii Maarso) si uu dadka ugala hadlo waxa uu maamulkiisu qabtay tan iyo markii la dhisay bishii November, sidaana waxa sheegay Radiyo Muqdisho.

"Waxaan uga mahad celinayaa dadka Dhuusamareeb iyo guud ahaan Galguduud sida diirran ee ay ii soo dhaweeyeen maanta waxaanan uga hambalyeeynayaa guusha ay ka gaareen cadawga nabadda," ayuu Shirdoon ku qoray Tuwitter-ka.

Inkasta oo inta badan Dhuusamareeb iyo Gobolka Galguduud ay ku jirtay gacanta ciidamada ay xulafada yihiin xukuumadda tan iyo sannakii hore, haddana dadka deegaanku waxa ay dhibaato ka soo gaartay weerarro ay al-Shabaab ku soo qaaday xilliyo kala gaddisan.

Boqolaal ka tirsan ciidamada Soomaalida iyo kuwa Howlgalka Midowga Afrika Soomaaliya ee fadhiyay Beledweyne ayaa loo diray Dhuusamareeb iyo Guriceel ka hor booqashada Shirdoon, sida uu sheegay Radiyo Bar-Kulan-ka ay maal-galiso Qaramada Midoobay.

(Nidaamka faallada) *Khaanadaha ay tahay in la buuxiyo

Wararkii ugu Dambeeyey

Diiradda

Rukumo

Codayn

Al-Shabaab ma ku badbaadi doontaa hoggaanka Axmed Cumar iyadoo isku xiran kadib dhimashadii Axmed Cabdi Godane?

Fiirso natiijada