Ciidama Kenya oo dilay 73 ka tirsan dagaalyahaniinta al-Shabaab

Agoosto 17, 2012

  • 4 Faallo
  • Daabac
  • Dib u celi Yaree Kordhi

Ciidamada Difaaca Kenya (KDF) ayaa Arbacadii (15-kii August) 73 ka tirsan dagaalyahaniinta al-Shabaab ku dilay dagaal ku dhexmaray tuulada Faxfax-dhuun ee gobolka Gedo oo ku yaal koonfurta Soomaaliya, sidaana waxa sheegay Daily Nation-ka Kenya.

Af-hayeenka Ciidamada KDF Emmanuel Chirchir ayaa tirada dhimashada ku xaqiijiyay qoraal uu ku diray alladda Twitter-ka, isaga oo sheegay in ciidamada Kenya ay qabsadeen in ka badan 100 qoryaha AK-47 ka ah.

Al-Shabaab ayaa sidoo kale sheegatay in ay dishay in ka badan 60 askari oo ka tirsan kuwa Kenya iyo Soomaaliya.

Tirada dhimashada ee labada dhinac ayaanan laga xaqiijin jiho madax-bannaan.

Ugu yaraan laba ka tirsan ciidamada Kenya ayaa ku dhaawacmay dagaalka, kaasoo biloowday markii ay al-Shabaab weerartay xero ay ciidamada Kenya ku leeyihiin Faxfax-dhuun habeennimadii Arbacada. Al-Shabaab ayaa qorsheeysay in ay dulmarto xerada, haseyeeshee ciidamada Kenya ayaa xog horudhac ah ka helay weerarka dabadeedna jilibka u aasay si ay ula dagaallamaan, sida uu sheegay wargaysku.

Askarta dhaawacantay ayaa loo soo duuliyay Nairobi Khamiistii si halkaa loogu daweeyo.

Muxuu kula yahay qoraalkan? (Codadka oo dhan 19)

Dislike_icon(2)

(Nidaamka faallada) *Khaanadaha ay tahay in la buuxiyo

Faallada akhristaha

  • mawe
    August 19, 2012 @ 04:33:54PM

    Waxan usoo jeedinayaa ciidamada difaaca Kenya inay kooxda alshabaab cagta mariyaan oo ay garaacaan, waxaanan leeyahay anagu waxaanu diyaar u nahay in aan qadiyadan wacan naftayada u hurno.

  • KEMBOI PHILEMON.
    August 19, 2012 @ 03:55:26AM

    Hambalyo ku socota ciidamada difaaca Kenya

  • carol mwikali
    August 18, 2012 @ 02:51:04AM

    Aakhirka kooxda alshabaab waa laga guulaysan doonaa oo waxa jabin doona ciidamada difaaca Kenya iyo kuwa Amisom (bilaw kastaa dhamaad buu leeyahay).

  • aden
    August 18, 2012 @ 01:48:04AM

    Waxay ila tahay in jahligu uu dhibtooda ka dambeeyo

Wararkii ugu Dambeeyey

Diiradda

Wadaxaajoodku waa waddada kaliya ee nabad loogu heli karo Kismayo

Xubno ka tirsan Ciidamada Qalabka Sida ee Soomaaliya iyo maleeshiyaadka dowladda la jaalka ah ee Ras Kambooni oo lulaya calanka Soomaaliya iyagoo jooga taawerkii hore ee Maddaarka Kismaayo, una dabaal dagaya markii ay Kismaayo qabsadeen 2-dii Aktober, 2012-kii. [AFP Photo/AU-UN IST Photo/Stuart Price]

Iyada oo xoogaa daganaasho ah uu kusoo laabatay magaalada dekedda leh kadib maalmo ay dagaalo socdeen, ayay muwaaddiniinta, odeyaasha dhaqanka iyo mas'uuliyiinta xukuumadda ay ku baaqayaan in maleeshiyaadka iska soo hor jeeda ay isugu yimaadaan miiska wada hadalka.

Rukumo

Codayn

Sidee baa loo dhisi karaa dawlad-goboleedyada federaalka Soomaaliya iyadoo maanka lagu hayo khilaafka ka taagan Jubbaland?

Fiirso natiijada