Millatariga Kenya oo bilaabay in uu qorto ardayda ka soo qalin-jabisay sayniska iyo tiknoolajiyada

Luulyo 08, 2012

  • 2 Faallo
  • Daabac
  • Dib u celi Yaree Kordhi

Ciidamada Difaaca Kenya ayaa ka shaqaynaya in uu qorto ardayda ka soo qalin-jabisay jaamacadaha ee soo bartay culuumta farsamada ee muhiimka ah, sidaana waxaa Sabtidii (7-dii Juulaay) sheegay Daily Nation-ka Kenya.

Qorashada dad ku takhasusay dhinacyada ay ka midka yihiin samaynta barnaamijyada ay kombiyuutarada ku shaqeeyaan (software), macluumaadka juqraafiyeed iyo saadaasha hawada ayaa "waxa ay qayb ka tahay barnaamijka casriyaynta ee loo qorsheeyay in ay kordhiyaan tayada wax-qabad ee ciidamada", ayuu yiri afhayeenka millatariga Gaashaanlle Emmanuel Chirchir. "Si la mida hay'adaha kale ee dowliga ah, waxa jira dhinacyo badan oo khuseeya tignoolajiyadda macluumaadka oo lagama maarmaan u ah howlgallada casriga ah."

Simiyu Werunga, oo ah dhame howl-gab ah, ayaa sheegay in ciidamo ku qalabaysan tababar casri ah ay ka soo dhalaali karaan baahida ciidanka ee ku aaddan dajinta khariidad xambaarsan macluumaad waafi ah oo lagu isticmaali karo goobaha dagaalka, saadaalin kara cimilada, isla markaana ku shaqayn kara hub casri ah.

Ciidamada Kenya ee al-Shabaab kula diriraya Soomaaliya ayaa haatan waxa ay hoos-yimaadaan dalladda how-lgalka Midowga Afrika ee Soomaaliya (AMISOM).

Muxuu kula yahay qoraalkan? (Codadka oo dhan 3)

Dislike_icon(0)

(Nidaamka faallada) *Khaanadaha ay tahay in la buuxiyo

Faallada akhristaha

  • simon ngugi karanja
    May 21, 2013 @ 05:11:35AM

    Anigu waxaan ahay muwaadin Kenya u dhashay, day’dayduna waa 25 jir, waxaanan anigu ku wacanahay culuumta iyo tiknoolajiyada. Waxaan dhamaystay waxbarasho ah dhinaca qalabka elektrooniga ee diyaaradaha, waxaanan wax ka bartay kuliyada Trans-eastern College, taasoo ku taala tuulada Bomas ee Kenya, waxaanan baasay imtixaanka KNEC. Sidoo kale waxaan leeyahay khibrad ku saabsan diyaaradaha madaniga ah oo aan ka yarayn muddo sanad ah. Dhanka kale, waxaan awood u leeyahay inaan hirgaliyo mashruuc ka kooban nidaam isgaadhsiineed oo wax lagu kaantaroolo. Hadii shaqo la ii dhiibo, waxaaan awood u leeyahay inaan soo bandhigo hibada aan u leeyahay culuumta iyo tiknoolajiyada. Waad mahadsantihiin.

  • kxodo
    July 9, 2012 @ 07:45:55AM

    Waa arrin wacan in la shaqaalaysiiyo sir doon, waxaanan u malaynayaa sidaasuu arrinku ahaa markii hore. Laakiin sideebay ku dhacday in ninka lagu magacaabo Kabuga ay wali ciidamadeenu magan galyo u fidiyaan, taasoo keentay in xulufadeeno Koongada Dimuqraadiga ah ay dagaalka inagaga bexeen? Goorma wannanka la difaacayo la yiri waxa ay gacan ku leeyihiin fallaagada?

Wararkii ugu Dambeeyey

Diiradda

Degmo Muqdisho ka tirsan oo waxbarsho bilaasha ah u fidisa haweenka

Haween sacab tumaya Ogoosto 2012-kii xilli ay xaflad ka soctay Garoonka Konis, taas oo ahayd sannad-guuradii koowaad ee ka bixitaanka al-Shabaab ee magaalada Muqdisho. [Mohamed Abdiwahab/AFP]

In ka badan 200 haween ah oo aan waxna qorin waxna akhrin ayaa waxbarsho bilaash ah laga siiyaa dugsi ku yaal Degmada Waaberi.

Rukumo

Codayn

Ma u malaynaysaa in mamnuuca ay Tansaaniya saartay hadalka nacaybka diimaha huriya uu joojinayo weerarrada lala beegsado kaniisadaha iyo masaajidda?

Fiirso natiijada