• +hoos ku faallee
• Daabac
• Email
• Tweet
• Dib u celi

Hoggaamiyeyaasha Soomaaliyeed waa in ay isticmaalaan heellanaanta uu abuuray hannaanka nabadda ee socda oo ay horay u sii riixaan isbeddellada siyaasadeed, ayuu war-murtiyeed Khamiistii (14-kii June) ku yiri Ku-xigeenka Wakiilka Gaarka ah ee Guddoonka Guddida Midowga Afrika, Wafula Wamunyinyi.

Wuxuu sheegay in Soomaaliya ay ku jirto marxalad xasaasi ah, isla markaana guulaha milliteri ee dhawaan laga gaarey al-Shabaab aanay kelidood nabad iyo degganaasho ka keeni karin waddanka.

"Marka aannu u sii dhawaanno dhamaadka waqtiga Kumeel-gaarnimada ah, waxaa jiri doono hawlo siyaasadeed oo cirka ku shareeran, waxaanan jeclaan lahaa in aan mar kale ku celiyo baaqyadii aan dadka ay arrintu ka go’do horay ugu baaqay in ay ka dheeraadaan falalka iyo oraahyada wax u dhimi kara horumarrada siyaasadeed ee socda iyo waaga cusub ee nabadeed ee haatan Muqdisho looga raaxaysanayo iyo meelo badan oo dalka ka mid ah,” ayuu yiri.

Wamunyinyi ayaa tibaaxay sida uu u taageersan yahay in Dowladda Federaalka Kumeel-gaarka ahi ay ka baxdo xilliga Kumeel-gaarnimada ah waxaanu ka digey in AMISOM iyo beesha caalamkaba aanay cidna ka yeeli doonin in ay horumarka siyaasadeed curyaamiso.