Afhayeenka barlamaanka Tansaaniya oo ku baaqday dhowrsanaan iyo xisaab-celin ka hirgasha waaxda dawladda

Maajo 29, 2012

  • +hoos ku faallee
  • Daabac
  • Dib u celi Yaree Kordhi

Afhayeenka barlamaaka Tansaaniya ayaa Isniintii (28-ka May) furtay shir saddex maalmood socon doona, kaas oo ku saabsan xisaabinta iyo xisaab-celinta, iyada oo ugu baaqday xubnaha barlamaanka in ay u hoggaansamaan akhlaaqiyaadka shaqada iyo dhowrsanaanta.

Sababta asalka ah ee saboolnimada ka jirta inta badan dalalka Afrika ka dambaysa waxa ay ka timaaddaa dhowrsanaan la’aanta iyo maqnaanta xisaab-celinta xafiisyada dawladda ayay tiri Afhayeenad Anne Makinda, sida lagu qoray wargayska Daily News ee kasoo baxa Tansaaniya.

“Xildhibaannada la doorto waa in ay noqdaan tusaale lagu daydo, si markaa kuwa doortay ay kalsooni ugu qabaan. Xildhibaannadu waa in ayan niyad-jabin dadka u soo doortay xafiisyada ay hayaan,” ayay tiri Makinda.

Sidoo kale Isniintii, afhayeenka ayaa ugu yeertay saraakisha gobollada in ay isticmaalaan jaan-gooyooyin hal-abuur ku dheehan yahay si ay uga shaqeeyaan shacabka, isla markaana wax uga qabtaan dhibaatooyinka hor taagan dadka, dadaalka ay ugu jiraan in ay hoos u dhigaan saboolnimada ka taagan guud ahaan qaranka, Wargayska The Gardian ee Tansaaniya ayaa sidaa wariyay.

Muxuu kula yahay qoraalkan? (Codadka oo dhan 4)

Dislike_icon(0)

(Nidaamka faallada) *Khaanadaha ay tahay in la buuxiyo

Wararkii ugu Dambeeyey

Diiradda

Degmo Muqdisho ka tirsan oo waxbarsho bilaasha ah u fidisa haweenka

Haween sacab tumaya Ogoosto 2012-kii xilli ay xaflad ka soctay Garoonka Konis, taas oo ahayd sannad-guuradii koowaad ee ka bixitaanka al-Shabaab ee magaalada Muqdisho. [Mohamed Abdiwahab/AFP]

In ka badan 200 haween ah oo aan waxna qorin waxna akhrin ayaa waxbarsho bilaash ah laga siiyaa dugsi ku yaal Degmada Waaberi.

Rukumo

Codayn

Ma u malaynaysaa in mamnuuca ay Tansaaniya saartay hadalka nacaybka diimaha huriya uu joojinayo weerarrada lala beegsado kaniisadaha iyo masaajidda?

Fiirso natiijada