• +hoos ku faallee
• Daabac
• Email
• Tweet
• Dib u celi

Madaxweynaha Puntland Cabdiraxmaan Maxamed Faroole ayaa sheegay in uu taageersan yahay sida ay ciidamada badda Hindiya ula dagaallmayaan burcad-badeedda ku sugan xeebaha Soomaaliya, kuwaa oo ay ka mid yihiin dadaalka lagu doonayo in lagu soo badbaadiyo tiro ka badan 60 badmaax oo Hindi ah kuwaa oo ay haystaan burcad-badeeddu.

“Mar walba waxan taageeraa howl-gallada millatari ee lagula dagaallmayo burcad-badeednimada,” ayuu Talifisihinka IBN Live ee Hindiya Arbacadii (16-ka May) ka soo xigtay Faroole. Faroole waxa uu haatan ku sugan yahay New Dalhi, halkaa oo uu marti ugu yahay Golaha Hindiya ee Ummuuraha Caalamka.

Si kastaba ha ahaatee Faroole waxa uu carrabka ku adkeeyay in howlaha millaari kaligood ayan kaafi ahayn. “Waxannu rumaysannahay in illalada dhaqaalaha badani uu ku kaco ee ay sameeyaan ciidamada badda ee ku sugan xeebaha Soomaaliya ayan kaligood dabar-goyn karin burcad-badeednimada, inta uu caalamku sii wado iska indha-tiridda duruufaha gudaha ka taagan ee dhaliyay burcad-badeednimada,” ayuu yiri.

Faroole waxa uu sheegay hababka kale ee lagu joojin karo burcad-badeedda ay ka mid yihiin in loo diido in ay badda galaan, isla markaana laga shaqeeyo sidii loo kobcin lahaa dhaqaalaha xeebaha Soomaaliya, kuwaa oo markaa dhallinyarada u fidiniya fursado shaqo.

Bishii hore, Ciidamada Midowga Yurub ee jooga Soomaaliya ayaa ku waramay in rubicii hore ee sannadkan 2012-ka ay hoos u dhaceen weerarada guulaystay ee burcad-badeedda marka la barbar dhigo xilligan oo kale sanndikii hore.