Al-Shabaab oo lagu eedeeyay xarigga tiro badan oo odayaasha dhaqanka ah

Maajo 10, 2012

  • +hoos ku faallee
  • Daabac
  • Dib u celi Yaree Kordhi

Dagaalyahannada al-Shabaab ayaa Arbacadii (9-ka May) bartamaha Soomaaliya ku xiray ku dhawaad 100 ka tirsan odayaasha dhaqanka, sida uu sheegay xildhibaan Daahir Sheekh Amiin Jeesoow.

Jeesoow ayaa Shabakadda Warbaahinta ee Shabeelle u sheegay in odayaasha laga soo qab-qabtay Buqda Caqable, Ceel Cali iyo Mukeyle oo ka tirsan gobolka Hiiraan. Waxa uu sheegay in la rumaysan yahay in odayaashu isu diyaarinayeen in ay u safraan Muqdisho si ay ugu biiraan kulana ay odayaasha dhaqanku ka leeyihiin sidii loo soo xuli lahaa Wakiillada Golaha Qaranka ee la qorsheeynayo in ay dib-u-eegid ku sameeyaan dastuurka dabadeedna ay cod ku meel-mariyaan todobaadyada soo socda.

Al-Shabaab ayaa waxa ay ku hanjabtay in ay weerari doonto shirka isla markaana ay dili doonto qof walba oo ka qayb-qaata ansixinta dastuurka cusub.

“Waa sharci in la dilo qof walba oo ka qayb-qaata ansixinta dastuurka cusub, oo ah wax ay soo qoreen cadowga alle,” ayuu yiri afhayeenka al-Shabaab Cali Maxamuud Raage.

Al-Shabaab kama aysan hadlin xarigga odayaasha.

Muxuu kula yahay qoraalkan? (Codadka oo dhan 0)

Dislike_icon(0)

(Nidaamka faallada) *Khaanadaha ay tahay in la buuxiyo

Wararkii ugu Dambeeyey

Diiradda

Degmo Muqdisho ka tirsan oo waxbarsho bilaasha ah u fidisa haweenka

Haween sacab tumaya Ogoosto 2012-kii xilli ay xaflad ka soctay Garoonka Konis, taas oo ahayd sannad-guuradii koowaad ee ka bixitaanka al-Shabaab ee magaalada Muqdisho. [Mohamed Abdiwahab/AFP]

In ka badan 200 haween ah oo aan waxna qorin waxna akhrin ayaa waxbarsho bilaash ah laga siiyaa dugsi ku yaal Degmada Waaberi.

Rukumo

Codayn

Ma u malaynaysaa in mamnuuca ay Tansaaniya saartay hadalka nacaybka diimaha huriya uu joojinayo weerarrada lala beegsado kaniisadaha iyo masaajidda?

Fiirso natiijada