• 1 Faallo
• Daabac
• Email
• Tweet
• Dib u celi

Saraakiil heer sare ah oo ka kala socda Jabuuti iyo Somaliland ayaa kulmay Isniintii (7-da May) si ay u wanaajiyaan xiriirka diblomaasiyadeed isla markaana uga xaajaystaan hababka ay ku xoojin karaan xiriiradooda dhaqaalaha, ammaanka iyo horumarinta, sidaana waxa kulanka ka dib sheegay Wasiirka Arrimaha Dibadda Somaliland Maxamed Cabdullaahi Cumar.

Madaxwaynaha Jabuuti Ismaaciil Cumar Geelle ayaa aqalka madaxtooyada ku qaabbilay wasiirka arrimaha dibadda Somaliland, Wasiirka Arrimaha Dibadda Jabuuti Maxamed Cali Yuusuf iyo Wasiirka Arrimaha Gudaha Somaliland Maxamed Nuur Carraale.

Kulanka ayaa yimid maalmo ka dib markii laba wasiir oo ka tirsan golaha xukuumadda Jabuuti laga celiyay magaaladda soohdinta ku taal ee Lughaya, dhacdadaa oo ay saraakiisha Somaliland u aaneeyeen in uu u dhacay qorshaynta iyo xiriirka oo aad u liitay.

Omar ayaa u gudbiyay madaxwyne Geelle farriin shakhsi ah oo uu uga siday Madaxweynaha Somaliland Axmed Maxamed Siilaanyo. Lama sheegin nuxurka ay farriintaasi xambaarsanayd.

Sida la wariyay labada dhinac waxa kale oo ay ka wada-hadleen qiyaddayada ammaanka iyo siyaasadda ee Geeska Afrika iyo sidoo kale kaalinka ay Somaliland ciyaari karto gobol ahaan.