Odina oo ugu baaqay Mudavadi in uu banneeyo kursigiisa barlamaanka

Maajo 03, 2012

  • 2 Faallo
  • Daabac
  • Dib u celi Yaree Kordhi

Ra’iisul-wasaaraha Kenya Raila Odinga ayaa aqbalay istaqaalada uu Musali Mudavadi ka keenay Xisbiga Dhaq-dhaqaaqa Dimuqraadiyadda ee (ODM), isaga oo intaa ku daray in uu sidoo kale isaga dago kursiga uu ku leeyahay barlamaanka, idaacadda Capital FM News ayaa warisay.

“Haddii aad tahay kan isagu ka tegaya xisbiga, markaa waa waajib in aad sidoo kalena iska casisho kursigaaga barlamaanka,” ayuu yiri Odinga Khamiistii (3-da May).

Odinga waxa uu sheegay in ODM uu sii wadi doono dadaalka uu ugu jiro in isbaddal lagu sameeyo dastuurka kaasoo oggolaan doona in la furo tartanka mansabka madaxweynenimo, hase yeeshee Mudavadi waxa uu sheegay in xisbigu uunan si dhab ah uga shaqayn isbaddalkaas.

“Waxan ku kalsoonahay in doorashooyinka soo socda, ay dadka Kenya ay isbaddal iyo dib-u-habeeyn ka door-bidi doonaan xaaladda hadda taagan,” ayuu yiri Odinga. “Waxa aannu dooran doonnaa rajada iyo midnimada oo aan ka door-bidi doonnaa cabsi-galinta iyo kala-qaybinta.”

Mudavadi ayaa Arbacadii iska casilay xilkiisii wasiirnimo iyo kii ku-xigeenka xisbiga ODM kadib markii uu ku shaaciyay in uu yahay musharaxa madaxweynenimo ee xisbiga UDF.

Muxuu kula yahay qoraalkan? (Codadka oo dhan 1)

Dislike_icon(1)

(Nidaamka faallada) *Khaanadaha ay tahay in la buuxiyo

Faallada akhristaha

  • justus
    May 4, 2012 @ 08:04:30AM

    Mudavadi ugu dambayntii siyaasiyan waa uu is dilay.

  • Jackson Matano
    May 4, 2012 @ 01:28:01AM

    Waxaan ahay qof Kenyan u dhashay una baahan is badal. Madaxdeena in nagu filan waan ka soo baranay. Waa xilligii aan raadin lahayn is baddal dhab ah gaar ahaan taabo-galinta dastuurka cusub. Sheegashada Mudavadi ee ah in ODM ayan dimuqraadiyad ka dhex jirin maaha arrin dhab ah. Waxay ku marin-habaabiyeen mucaaradku inuu ka baxo ODM si markaa xisbiga loo wiiqo oo ay uga adkaadana kuwa mucaaradku. Qofka kaliya ee ay ka dhabtahay in isbaddal la sameeyo waa Mudane Raila Odinga.

Wararkii ugu Dambeeyey

Diiradda

Wadaxaajoodku waa waddada kaliya ee nabad loogu heli karo Kismayo

Xubno ka tirsan Ciidamada Qalabka Sida ee Soomaaliya iyo maleeshiyaadka dowladda la jaalka ah ee Ras Kambooni oo lulaya calanka Soomaaliya iyagoo jooga taawerkii hore ee Maddaarka Kismaayo, una dabaal dagaya markii ay Kismaayo qabsadeen 2-dii Aktober, 2012-kii. [AFP Photo/AU-UN IST Photo/Stuart Price]

Iyada oo xoogaa daganaasho ah uu kusoo laabatay magaalada dekedda leh kadib maalmo ay dagaalo socdeen, ayay muwaaddiniinta, odeyaasha dhaqanka iyo mas'uuliyiinta xukuumadda ay ku baaqayaan in maleeshiyaadka iska soo hor jeeda ay isugu yimaadaan miiska wada hadalka.

Rukumo

Codayn

Ma haboontahay in la badalo dastuurka Kenya si aqalka Guurtida awood dheeraad ah loo siiyo?

Fiirso natiijada