Red_arrow

Ma jeclaan lahayd in Soomaali aad ka dhigato luuqaddaada asaasiga ah, ee mareegtan? |

Bilayska oo daba socda raadka qarxintii kaniisadda Nairobi

Abriil 30, 2012

  • 2 Faallo
  • Daabac
  • Dib u celi Yaree Kordhi

Bilayska Kenya ayaa goobaya ciddii ka dambaysay weerarkii bambaano ee Axaddii (29-ka April) lala beegsaday kaniisadda ku taal Nairobi, iyagoo xoogga saaraya tilmaamihii ay bixiyeen goob-joogayaashu ee ahaa in nin 20-meeyo jir ahi uu kaniisadda ka baxay ilbiriqsiyo uun ka hor intaanu qaruxu dhicin.

"Bilayska ayaa ku raad-jooga tilmaamihii ay bixiyeen goob-joogayaasha si ay u aqoonsadaan shakhsiyadda qofka weerarka geystay,” ayuu yiri afhayeenka bilayska, Eric Kiraithe, sida ay Daily Nation werisay.

Weerarka ayaa isla goobta ku diley hal qof, waxaanu dhaawacay 15 kale. Laba iyo toban ka mid ah dhaawicii ayaa loo daabbulay cisbitaalka Kenyatta National Hospital, halkaa oo uu mid u geeriyooday dhaawacyadii weerarka ka soo gaarey, sida uu sheeegay S.M. Monda oo ah dhakhtar dhinaca qallliinka ah oo cisbitaalka ka shaqeeya.

"Tani waa fal argaggixisannimo,” ayuu yiri Madaxweyne ku Xigeenka Kalonzo Musyoka, oo ka mid ahaa madaxdii dawladda ee dhibbanayaasha cisbitaalka ku booqanaysay. “Waa wax laga xumaado in ay gaareen ilaa xad ay dadka weeraraan xitaa iyagoo cibaadaysanaya. Iyadoo ay sidaa tahay, waxaannu dadka dalka deggan oo dhan ku boorrinaynaa in ay deganaasho muujiyaan.”

Muxuu kula yahay qoraalkan? (Codadka oo dhan 0)

Dislike_icon(0)

(Nidaamka faallada) *Khaanadaha ay tahay in la buuxiyo

Faallada akhristaha

  • susan
    June 1, 2012 @ 04:43:48PM

    Arrinkani wuxu noqday wax xad-dhaaf ah, laakiin ilaahay wali waa noolyahay, waxaanu ilaahay arkaa waxaysan bina aadamku arki karin. Markaa dadka dambiilayaasha ah waxaa ku waajib ah inay ogaadaan inay iman doonto maalinta xaqiidu daahfurmi doonto, wax kastoo mugdi ku jiraana maruun buu soo shaac bixi doonaa, qofkastaana goob joog ayuu ka ahaan doonaa.

  • Murathi Kah Wendani
    May 1, 2012 @ 04:28:32AM

    Alshabaab way u dhamaatay, waayo ilaahay wuu arkaa sharka ay wadaan, meel dheerna gaadhi maayaan.

Wararkii ugu Dambeeyey

Diiradda

Degmo Muqdisho ka tirsan oo waxbarsho bilaasha ah u fidisa haweenka

Haween sacab tumaya Ogoosto 2012-kii xilli ay xaflad ka soctay Garoonka Konis, taas oo ahayd sannad-guuradii koowaad ee ka bixitaanka al-Shabaab ee magaalada Muqdisho. [Mohamed Abdiwahab/AFP]

In ka badan 200 haween ah oo aan waxna qorin waxna akhrin ayaa waxbarsho bilaash ah laga siiyaa dugsi ku yaal Degmada Waaberi.

Rukumo

Codayn

Ma u malaynaysaa in mamnuuca ay Tansaaniya saartay hadalka nacaybka diimaha huriya uu joojinayo weerarrada lala beegsado kaniisadaha iyo masaajidda?

Fiirso natiijada