• +hoos ku faallee
• Daabac
• Email
• Tweet
• Dib u celi

Dawladda Imaaraadka Carabta ayaa waxay bisha June Dubai ku marti-gelin doontaa shirweynihii labaad ee caalami ah oo ka dhan ah burcad-badeedda, Wasiirka Arrimaha Dibedda, Sheekh Cabdalla Bin Zayed Al-Nahyaan ayaa shaaciyey Khamiistii (26-ka April).

Dawladda Imaaraadka Carabta ayaa rumaysan in ka bucadaynta badda gaar ahaan Gacanka Cadmeed iyo galbeedka Badweynta Hindiya, ay weli tahay “walaac dhab ah oo caalami ah”, ayuu yiri Al-Nahyaan. “Weerarrada ay burcad-badeeddu geystaan waxay halis geliyaan nolosha boqollaal musaafur-badeed ah, sidaa oo kale ayayna u minjaxaabiyaan barwaaqada iyo hab-nololeedka Soomaaliya, deriskeeda u dhaw, iyo addunka oo idil.”

Shirweynaha ayaa wuxuu kulmin doonaa wasiirro arrimo dibadeed iyo khubaro caalami ah si ay u wada agaasimaan wax-ka-qabasho caalami ah, ayuu yiri wasiirku. Imaaraadku waxay sii joogtayn doonaan ku adkaysiga in ay muhiim tahay in tabaha la dagaallanka burcad-badeednimadu "ay lagama maarmaan tahay in ay muhiimadda saaraan xal waara oo la sii wadi karo” oo xoojiya waddamada gobolka si ay u jebiyaan burcad-badeednimada,” ayuu yiri al-Nahyaan.

Sanadkii hore, in ka badan 700 oo ergay oo metelaya in ka badan 65 dawladood ayaa ka soo qayb-galay shirweynihii kowaad ee la dagaallanka burcad-badeednimada ee ka dhacay Dubai, Wakaaladda wararka ee SONNA ayaa werisay.