• +hoos ku faallee
• Daabac
• Email
• Tweet
• Dib u celi

Shirwaynihii dartuurka Puntland ayaa Arbacadii (18-ka April) soo gebaggaboobay iyagoo ay ergooyinku u codeeyeen in la qaato dastuurka la soo jeediyey.

"Codka aqlabiyadda ah ayaa ansixiyey dastuurka Puntland, sidaa ayaanan ku sixiixayaa dikumiintigan,” ayuu yiri Maxamed Xasan Barre, oo ah guddoomiyaha Guddiga Doorashooyinka Puntland. 472 ka mid ah 480-kii wakiil ayaa u codaysay in la ansixiyo dastuurka qabyada ah, Garowe Online-ta Soomaaliya ayaa werisay.

Wasiirka Ganacsiga iyo Warshadaha ee Dawladda Ku-meel Gaarka ah, Cabdiwahaab Ugaas Khaliif ayaa ansixinta shirwaynuhu uu ansixiyey dastuurka ku tilmaamay in ay tahay “fursad taariikhi ah.”

Madaxweynaha Puntland, Cabdiraxmaan Maxamed Faroole ayaa shirwaynaha xiray isagoo dawlad-goboleedka ku amaanay hannaankeeda dimuqraaddiga ah. “Waxaan si kalsooni leh u oran karaa Puntland waa ay ka baxday waqtigii ku meel-gaarnimada ahaa ee aannu ku jirray muddada 14-ka sanadood ah, waxaannuna u gudubnay dawlad dimuqraaddi ah, taas oo ah tallaabo loo qaaday dhinaca saxda ah,” ayuu yiri. “Waxaan halkan ka caddaynayaa in ay Puntland u tallaabsatay jihada xisbiyada siyaasadeed iyo doorashooyinka xorta ah.”

Faroole ayaa Soomaaalida deggan gobollada kale ugu baaqay in ay raacaan tusaalaha Puntland ee is-maamulidda iyadoo lagu hoos jiro Soomaaliya oo federaal ah. Sharciyadda Dawladda Federaalka Ku-meel Gaarka ah ayaa ku eg August, iyadoo la rajeynayo in dastuur cusub la ansixin doono markaa iyada ah.

Dastuurkan Puntland waa in ay ansixisaa Maxkamadda Sare ee Puntland inta aan si rasmi ah loo qaadan.