• +hoos ku faallee
• Daabac
• Email
• Tweet
• Dib u celi

Tansaaniya ayaa u diyaar-garoobaysa in ay wax ka qabato oo casriyayso waaxda biyaha ee Daaru Salaam, iyadoo ballaarinaysa qasabadaha biyaha ee haatan jira, dadka degganna siinaysa galaangal dheeraada oo ay biyaha u yeeshaan, The Guardian-ta Tansaaniya ayaa Jimcadii (6-da April) werisay.

Mashruuca ayaa degdeg uga billaaban doona matoorrada biyaha ee Ruvu-da Sare iyo tan Hoose, iyadoo mugga qasabadaha oo ahaa 1.2 inji haatan laga dhigayo laba inji, ayuu yiri Agaasime ku xigeenka Wasaaradda Biyaha, Joseph Kakunda. Tallabadan ayaa yaraynaysa gabaabsinnimada biyaha ee ay sababta u tahay kaabayaasha liita ee haatan jira, ayuu yiri.

"Kaabayaasha haatan ee biyaha waxaa la dhisay sannado badan ka hor oo uu markaa dadku yaraa laakiin haatan dadkii waa bateen iyadoo aan kaabayaashii la hagaajinin,” ayuu yiri Kakunda.

Jariidadda ayaa werisay in 48% dadka deggan caasimaddu ay galaangal u leeyihiin biyo nadiif ah oo nabdoon. Helitaanka biyuhu wuxuu gaaraa 88% dadka degan magaalooyinka waawyn ee 19 ka mid ah 30 ka gobol ee Tansaaniya, qaran ahaanna waxay biyuhu ugu yaraan gaaraan 58%.

Dawladda ayaa rajaynaysa in biyo yaraanta ka dhacda Daaru Salaam ay dhammaan doonto markii mashruuca kaabayaasha la dhamaystiro 2014-ka.