Caymisyada Bariga Afrika oo ku baaqay in ay yeeshaan jaangooyooyin midaysan

Maarso 25, 2012

  • +hoos ku faallee
  • Daabac
  • Dib u celi Yaree Kordhi

Jaangooyeyaasha caymisyada Bariga Afrka ayaa warbixin ay Baanka Adduunka u gudbiyeen ku sheegay in loo baahan yahay halbeeg midaysan oo jaangooyooyin ah si loo helo wada shaqayn gobol iyo ballaarin xudduudaha ka tallawda, The East African oo Kenya ka soo baxda ayaa Sabtidii (24-ka March) werisay.

Warbixinta oo uu qoray Xirrirka Maamulayaasha Caymisyada Bariga Afrika (East African Insurance Supervisors Association, EAISA) ayaa so jeediyey in la sameeyo hal guddi oo caymisyada maamula.

"Sharciyada haatan jira ayaa qaali ka dhigaya in meherad caymis gobolka laga sameeyo,” ayuu yiri Tom Gichuhi, oo ah madaxa u sarreeya Xiriirka Caymisyada Kenya. "Ilaa uu suuqa lo dhan yahay si buuxda u shaqeeyo, caymisyada reer Kenya si buxda ugama faa’iidi doonaan fursadaha ka jira suuqyada Besha Bariga Afrika,” ayuu yiri.

Haatan, caymisyada gobolka ayaa ku khasban in ay aasaasaan shirkado cusub meeshii ay laamo ka furan lahaayeen xudduudaha shishadooda, taa oo ballaarinta ka dhigaysa “amuur qaali ah”, ayuu yiri Gichuhi.

Iswaafajinta shuruucda si loo dhimo qiimaha ku fididda xudduudaha gadaashooda ayaa kordhinaysa galaangalka caymisyada si heer gobol ah, iyadoo fursado u furaysa meheradaha Bariga Afrika, ayay ku warrantay jariidaddu.

(Nidaamka faallada) *Khaanadaha ay tahay in la buuxiyo

Wararkii ugu Dambeeyey

Diiradda

Rukumo

Codayn

Dhacdooyinkii ammaan ee dhawaan ka kala dhacay Mombasa iyo Nairobi sida ay u badan tahay waxay ka dhasheen:

Fiirso natiijada