Ciidamada Itoobbiya oo ku dhaw Ceel-buur oo ah xarun ay al-Shababtu ku xoog-badan yihiin

Maarso 25, 2012

  • +hoos ku faallee
  • Daabac
  • Dib u celi Yaree Kordhi

Ciidamada Itoobiya ayaa Sabtidii (24-ka March) galay magaalada Dhusamarreeb iyagoo u diyaar-garoobaya in ay weeraraan meesha ay al-Shabaab xoogga ku leeyihiin ee Ceel-Buur, AFP ayaa werisay.

"Bartilmaameedkoodu haatan wuxuu u muuqdaa in uu yahay degmada Ceel-buur oo ah saldhigga ugu weyn ee al-Shabaab” ay ku leeyihiin bartamaha Soomaaliya, ayuu yiri Cabdullaahi Axmed oo ah oday tuulo oo jooga Dhuusamarreeb, oo ciidamada huwanta ah ee dawladda laga qabsaday dibna ay u qabsadeen Talaadadii.

Taliye al-Shabaab ah oo la yiraahdo Sheekh Aaden Farey ayaa sheegay in ay ciidamadiisu diyaar u yihiin in ay foodda geliyaan kuwa Itoobiya. “Wax kasta ha ahaado qorshohooduye, waannu jebin doonnaa,” ayuu ku yiri AFP-da.

Axaddii ayaa waxay SONNA werisay in madax sare oo al-Shabaab ah iyo ciidamadoodu ay iyagoo kolonyo ah ka huleelayeen magaalada.

Ciidamada Soomaaliya oo ay taageerayaan kuwa Itoobiya ayaa ilaa November 2011-kii labo magaalo oo muhiim ah oo koofurta Soomaaliya ku yaalla waa Baydhabo iyo Xuddure, ka qabsaday al-Shabaab. Dhaqdhaqaaqa al-Qaacida la bahda ah ayaa waxa wajahaya cadaadis dheeraad ah oo uga imanaya ciidamada gobolka, iyadoo ay kuwa Kenya ka imanayaan koofurta durugsan, kuwa Midowga Afrikana ay kula dagaallamayaan Muqdisho.

(Nidaamka faallada) *Khaanadaha ay tahay in la buuxiyo

Wararkii ugu Dambeeyey

Diiradda

Rukumo

Codayn

Maxaa kugu dhiirri-galiya in aad mas'uuliyiinta amniga ku wargaliso falalka laga shakiyo ama xubnaha loo malaynayo in ay ka tirsan yihiin ee al-Shabaab?

Fiirso natiijada