Ciidanka amniga Soomaaliya oo fashiliyey weerar qarax gaari

Maarso 21, 2012

  • 1 Faallo
  • Daabac
  • Dib u celi Yaree Kordhi

Ciidanka amniga Soomaaliyeed ayaa Arbacadii (21-ka March) hor joogsaday gaari isku qarxin lahaa jidka isku xira xarunta madaxtooyada iyo isgoyska Lambar 4 ee Muqdisho ku yaalla, Raadiyo RBC-ga Soomaaliya ayaa weriyey.

"Saaka ayay bilaysku heleen xog u sahashay in ay qabtaan gaari yar oo ay ka buuxaan qalabyada macmalan ee la qarxiyo,” ayuu yiri Laba Alifle Maxamed Maxamuud Garaar oo ku sugan saldhigga Lambar 4. Wuxuu sheegay in afar tuhmane loo qabtay dhacdadaa.

Bambaanadii macmallayd ee gaariga ku xirrayd ayaa qaraxday ka dib markii ay bilaysku isku gadaameen oo xireen waddada gaadiidka badan ee Maka Al-mukarrama oo gasha qasriga madaxtooyada una jirta hilaadda laba KM, ka dib markii ay ka shakiyeen gaariga laga tegay, AFP ayaa werisay.

"Sarkaal dhinaca amniga ah oo isagu xiray jidka si uu gaariga u eego ayaa dhaawacmay,” ayuu yiri Cabdiweli Saciid, oo ah sarkaal bilayska ah.

"Waxaa wax gaareen hasl qof oo keliya waayo jidadka oo dhan ayay xiren ciidamada nabadgelyadu,” ayuu yiri Cali Muxyaddiin oo goob-jooge ahaa oo la hadlay AFP-da.

Kooxina markiiba ma sheegan masuuliyadda qaraxa. Axmed Mayre Makaraan, Guddoomiyaha Degmada Waaberi ayaase ku eedeeyey arrintan al-Shabaab.

"Waxaan halkan mahad uga muujinayaa ciidamada nabadgelyada iyo sida ay naftooda ugu sadqeeyeen dalkooda iyo dadkooda,” ayuu Makaraan ku yiri warfidiyeennada.

Gaarigan qarxay aya ahaa kii ugu dambeeyey oo silsilado weeraro ah oo lagu qaadayey meelo aad ugu dhaw qasriga madaxtooyada, oo loo yaqaan Villa Soomaaliya, taas oo keentay in la kordhiyo tallaabooyinka amniga lagu sugayo. Isniintii, al-Shabaab ayaa weerar hoobiye ah qaadday kuna dishay lix rayid ah. Toddobaadkii hore, ayuu nin is-miidaamiyey isku qarxiyey aaggaa isagoo diley ugu yaraan saddex qof.

(Nidaamka faallada) *Khaanadaha ay tahay in la buuxiyo

Faallada akhristaha

  • Durah
    March 21, 2012 @ 11:36:18PM

    Kooxda Al-shabaab waa koox argagaxisa oo fulisa fikradaha Al-qaacidda waxayna u dhaqmaan isla sida ay Al-qaacidda u dhaqanto, isku si ayayan argagaxiso iyo nidaamdiid u yihiin, Sidaas awgeed kooxdan Al-shabaab waxay u keentay dhibaatooyin badan dalka Soomaaliya oo ah waddan masaakiin ah, intii ay Soomaaliya ku caawin la haayeen sidii loogu soo dabaali lahaa xasillooni iyo intii ay si habboon ugu shaqeyn lahaayeen in la suuliyo saboolnimada, waxay abuurayaan dhibaatooyin badan, dadka waxaa gaajada iyo saboolnimada u sii dheer in lagu dilo meelaha ay ayaga ka taliyaan.

Wararkii ugu Dambeeyey

Diiradda

Rukumo

Codayn

Dhacdooyinkii ammaan ee dhawaan ka kala dhacay Mombasa iyo Nairobi sida ay u badan tahay waxay ka dhasheen:

Fiirso natiijada