Afhayeenka baarlamaanka Puntland oo oggolaaday waqti-kororsigii Faroole

Maarso 20, 2012

  • +hoos ku faallee
  • Daabac
  • Dib u celi Yaree Kordhi

Afhayeenka Baarlamaanka Puntland, Cabdirashiid Maxamed Xirsi ayaa oggolaaday in dib loo dhigo doorashada madaxweynaha ee gobolka is-maamulka leh ee Puntland oo laga dhigo 2014-ka, taas oo si caadi ah u kordhinaysa xilliga uu talinayo Madaxweyne Cabdiraxmaan Maxamed Faroole, Raadiyaha RBC ee Soomaaliya ka soo baxa ayaa Isniintii (19-ka March) weriyey.

Isagoo ka hadlayey shir jaraa’id oo uu Axaddii qabtay ayuu Xirsi daliishaday dastuurka qabyada ah ee Puntland, oo waqtiga talinta dawladdda ka dhigaya shan sano. Faroole ayaa haatan xafiiska sii joogaya hal sano oo kale ka dib markii uu waqtigiisu dhaco January, 2013-ka ayuu yiri.

Xirsi waxa kale oo uu ku dhawaaqay in aan dastuurka qabyada ah afti loo qadi doonin sabata oo uu ku micneeyey in ay dawladda hortaagan yihiin caqabado, laakiin wuxuu sheegay in ay u codayn doonaan 480 wakiil oo ka kala yimid Puntland.

Kordhinta waqtiga Faroole waxaa lagala hor yimid diidmo ka imanaysa qaar ka mid ah siyasiyiinta. Wasiirkii hore ee Maaliyadda Maxamed Cali Yuusuf “Gaaggaab” ayaa toddobaadkii hore madaxweynaha ugu baaqay in uu doorasho qabto January, 2013, ka dib markii uu ku eedeeyey in uu xeerar gaar ah ku dhex darsaday dastuurka qabyada ah si uu hal sano oo dheeraad ah u xaqiijiyo.

(Nidaamka faallada) *Khaanadaha ay tahay in la buuxiyo

Wararkii ugu Dambeeyey

Diiradda

Rukumo

Codayn

Illaa iyo xadkee baad ku kalsoon tahay in xukuumadaha Bariga Afrika ay tallaabooyin waafi ah u qaadayaan ka hortagga dillaacidda Ebola?

Fiirso natiijada