• +hoos ku faallee
• Daabac
• Email
• Tweet
• Dib u celi

NATO ayaa Isniintii (19-ka March) isku raacday in ay hawlgalkeeda loogu magac daray Hawlgalka Gaashaanka Badda (Operation Ocean Shield) gaarsiiso sanadka 2014-ka, iyadoo sheegtay in dedaallada caalamiga ah ee lagu xakamaynayey burcad-badeednimada ayaa haatan yaraynayaan tirada afduubyada, AFP ayaa werisay.

Hawlgalka NATO oo ka kooban afar markab oo dagaal oo jooga biyaha Geeska Afrika, ayaa ilaa 2008-dii hojoogsaday dhacac fara badan, galbiyeyna maraakiin QM sahay ugu siday Afrika.

Ciidamada badda ee ajaanibta ah ee uu ka kooban yahay hawlgalka NATO “ayaa waxtar ku tallaabsanaya iyagoo tirada afduubka burcad-badeedda ee guuleystay si weyn hoos ugu djigay 2012,” ayuu yiri Xoghayaha Guud ee NATO, Anders Fogh Rasmussen oo tiwitarka qoraal ku sameeyey.

"Farriinta aannu u dirayno burcad-badeeddu waa caddahay, awoodda aad maraakiibta ku hgaddadi lahaydeen waa sii yaraanaysaa, go’aanka NATO-na tegi mayo,” ayuu soo dhejiyey.

Midowga Yurub oo isagu leh hawlgalkiisa lid-burcad badeed ayaa toddobaadkan ka fikiraya in ay maraakiibtooda dagaalka u oggolaadaan in ay xabbado ku ridaan baabburrta xammuulka ah, sahayda, doomaha iyo shidaalka kaydka ah ee burcad-badeedda xeebaha u yaal, AFP ayaa werisay.