Kenya oo taariikhda doorashada u qabatay in ay noqoto 4-ta March, 2013

Maarso 18, 2012

  • 1 Faallo
  • Daabac
  • Dib u celi Yaree Kordhi

Kenya ayaa Sabtidii (17-ka March) ku dhawaaqday in doorashooyinka guud ee soo socda la qaban doono 4-ta March, 2013-ka, taas oo soo afjaraysa toddobaadyo ay doodo kulul is weydaarsanayeen siyaasiyiinta iska soo horjeedda, AFP-da ayaa werisay.

"Waxaannu ku soconaynaa go'aankii dastuuriga ahaa ee maxkmaddu ridday... oo na faraysa in aannu doorasho qabanno 60 gudahood marka uu dhaco waqtiga Baarlamaanka,” ayuu yiri Axmed Isaaq Xasan oo ah guddoomiyaha Guddiga Madaxa Bannaan ee Doorashooyinka iyo Soohdimaha (IEBC).

Si kastaba ha ahaatee maxkamadda ayaa waxa kale oo ay sheegtay in haddii ay heshiis qoraal ah ku oggolaan lahaayeen Madaxweyne Mwai Kibaki iyo Raysal Wasaare Raila Odinga in la kala diro dawladdooda wadaagga ah si la soo dedejiyo doorashooyinka, ay markaa ay sahlanaan kari lahayd in doorashada la soo dedejiyo,

IEBC-da ayaa sheegtay in aysan helin go’aan arrintaa ku saabsan ka dib markii ay la kulmeen labada hoggaamiye, sidaa awgeedna ay markii ay go’aan madaxda ka waayeen, ay iyagu sii ambaqaadeen in ay taariikhdaa gooyaan.

"Waxaa inoo caddaatay in aanay doonaynin in ay kala diraan dawladda wadaagga ah.... waxaa jira khilaaf iyaga ka dhexeeya oo ku saabsan goorta doorashooyinka la qabanayo,” ayuu yiri Xasan. Waa sababtaa tan aannu isugu xilsaarray in aannu lafteennu taariikhda goyno.

(Nidaamka faallada) *Khaanadaha ay tahay in la buuxiyo

Faallada akhristaha

  • Edson Gwako
    March 19, 2012 @ 02:46:57AM

    RAYSUL WARAASARAHA SHARAFTA MUDAN IYO MADAXWEYNAHA SHARAFTA MUDAN LABADUBA WAA TARTAMEYAAL SIYAASADEED. RAILA IYO XISBIGIISA ODM WAXAY DOONAYAAN IN AY U SII DALACAAN KURSIGA MADAXWEYNANIMADA INKASTOO KIBAKI UU DOONAYO SI UU U XAQIIJISTO IN XISBIGA PNU AY QAADATO MADAXWEYNANIMADA. HADDII LAGU KALSOONAADO TAARIIKHDA DOORASHADA, WAXAA WALI IMAANAYA JAHAWAREER KALE. GUDDIGA DOORASHADA EE IEBC WAA IN AY HOGGAAMISAA NIDAAMKA, BALSE NIDAAMKA WAA IN UU RAACSANAADAA DASTUURKA KENYA EE HADDA LA JOOGO DHAQAN-GALAY WAANA IN AY U ARKAAN DADKA KENYATIGA AH IN UU YAHAY MID CADDAALAD KU SALAYSAN.

Wararkii ugu Dambeeyey

Diiradda

Rukumo

Codayn

Maxaa kugu dhiirri-galiya in aad mas'uuliyiinta amniga ku wargaliso falalka laga shakiyo ama xubnaha loo malaynayo in ay ka tirsan yihiin ee al-Shabaab?

Fiirso natiijada