Golaha wasiirrada Soomaaliya oo shir degdeg ah qaatay ka dib qarxintii Villa Soomaaliya

Maarso 16, 2012

  • 1 Faallo
  • Daabac
  • Dib u celi Yaree Kordhi

Shir degdeg ah ayay Khamiistii (15-ka March) isugu yimaadeen golaha wasiirrada Soomaaliya ka dib markii Arbacadii uu qof is maadiimiyey weerar uu ku qaaday xerada madaxtooyada ay ku dhinteen shan qof, Idaacadda Shabeelle ee Soomaaliya ku taal ayaa werisay.

Shirka oo ay albaabbadu u xirraayeen ayaa waxaa guddoominayey raysal wasaare Cabdiweli Maxamed Cali. Isaga ka dibna afhayeenka dawladda, Cabdiraxmaan Cumar Cusmaan “Yariisow” ayaa aqriyey warbixin uu ku sheegay in ninka is-qarxiyey la oran jirey Cumar Garweyne, sida ay idaacaddu werisay.

"Xubin ka mid ah shaqaalaha xafiiska madaxweynaha ayaa ismiidaamiyaha ku caawiyey in uu aagga qasriga soo gaaro,” ayay AFP ka xigatay Yariisow oo oranaya. Ninka is qarxiyey wuxuu soo dhaafay saddex bar-koontarool, markaa ayuu kiciyey alaabtii qaraxa ee ku marrayd isagoo diley naftiisa iyo shan qof oo kale oo uu ku jiro ninkii dembiga la maleegayey, ayay werisay AFP-du.

Al-Shabaab ayaa sheegatay weerarkaa iyadoo Soomaalida markaa ugu yeertay “in ay ka qayb-qaataan dagaallada lagula jiro gaalada iyo dawladda riddada ah,” afhayeenka al-Shabaab, Sheekh Cali Maxamuud Raage ayaa yiri Arbacadii, sida ay sheegtay AFP-du.

Al-Shabaab ayaa u ciirsatay tabo goriillayn ah ka dib markii ay ka bexeen saldhigyadoodii ku yiillay Muqdisho bishii August.

(Nidaamka faallada) *Khaanadaha ay tahay in la buuxiyo

Faallada akhristaha

  • hisherm
    March 16, 2012 @ 09:28:32PM

    Soomaaliya waa waddan ay isugu tageen calaamdo Afrikanimo, islaanimo iyo carabnimo; sidaa darteedna waa in waxyaabahaas iyo abtirkaas la ilaaliyaa, hadday wax faragalin caalami ah ama mid gobol ay dhacdana waa in arrimahan la eegaa.

Wararkii ugu Dambeeyey

Diiradda

Rukumo

Codayn

Maxay kulatahay khatarta ugu weyn ee hortaal Bariga Afrika maanta?

Fiirso natiijada