Madaxweynaha Tansaaniya oo taageersan sinnaanta raga iyo dumarka

Maarso 06, 2012

  • +hoos ku faallee
  • Daabac
  • Dib u celi Yaree Kordhi

Madaxweynaha Tansaaniya Jakaya Kikwete ayaa Axaddii (4-ta March) carrabka ku adkeeyey sida ay dawladdiisa uga go’an tahay sinnaanta ragga iyo dumarka, waxaannu markaa ka hadlayey isu soo bax caalami ah oo ay dad ku korayeen buurta Kilimanjaro si ay dareenka ugu soo jeediyaan xad-gudubyada haweenka lagula kaco, The Citizen-ta Tansaaniya ayaa werisay.

"Ka xagal-daaci mayno dedaalkan isaga ah; waxaan diyaar u ahay in aan jaallayaashayada waddamada kale kala shaqeeyo in mabda’aan wanaagsan uu ka hanaqaado Afrika,” ayuu Kikwete ku yiri wakiillada 36 dal oo Afrika ah, isagoo intaa ku daray xad-gudubyada ku salaysan jinsiga in ay bulshooyinka ka hor istaagaan in ay horumaraan.

Kikwete ayaa hoggaamiyeyaasha gobolka ku ammaanay sida ay ugu midoobeen la dagaallanka xadgudubyada jinsiga ku salaysan, waxaanu daliishaday Borotokoolka Axdiga Afrika ee Xuquuqda Insaanka iyo Dadka ee ku saabsan Xuquuqda Haweenka ee Afrika oo si wanaagsan loogu yaqaanno Borotokoolkii Maputo, oo ay sixiixeen 46 dal oo Midowga Africa ka mid ah 28 ka mid ahina ayba ansixiyeen.

"Maanta, borotokoolaasi waxaa loo isticmaalaa sidii aalad muhiim ah oo dawladaha lagula xisaabtamo si ay u fuliyaan ballamadii ay galeen,” ayuu yiri Kikwete.

(Nidaamka faallada) *Khaanadaha ay tahay in la buuxiyo

Wararkii ugu Dambeeyey

Diiradda

Rukumo

Codayn

Al-Shabaab ma ku badbaadi doontaa hoggaanka Axmed Cumar iyadoo isku xiran kadib dhimashadii Axmed Cabdi Godane?

Fiirso natiijada