Askari AMISOM ah oo dhintaqy isagoo aalad qaraxda ka saaraya Dayniile

Maarso 06, 2012

  • +hoos ku faallee
  • Daabac
  • Dib u celi Yaree Kordhi

Askari kuwa ciidamada Midowga Afrika ayaa Isniintii (5-ta March) degmada Dayniile ku dhintay mid kalena waa uu dhaawacmay ka dib markii ay ku qaraxday miino la macmalay oo ay xabaaleen dagaalyahaniinta al-Shabaab, AMISOM ayaa sidaa sheegtay.

Iyadoo miinada laga saarayey tuulada T-da oo ku taal waqooyiga galbeed ee Muqdisho, sifo qarxiyaha looga saaro si ammaan ah, ayay al-Shabaabku sheedda ka qarxiyeen, sidaasna ku dishey askari reer Burundi ah.

Taliyaha ciidamada AMISOM, Jeneraal Fred Mugisha ayaa weerarka cambaareeyey. “Waannu sii wadaynaa in aannu la dagaallanno xag-jiriintan shaqada ka dhigtay in ay qalalaase la beegsadaan dadka aan waxba galabsan ee rayidka ah,” ayuu yiri. “Dadka Soomaaliya ayaa dhinaceenna soo jira, iyagaana soo sheegay ilaa 70% ka mid ah miinooyinka la xabaalay oo aannu hawl-gabinnay oo meeshii ka saarray.”

"Waxaan ku dhiirri-gelinayaa dhammaan dadka Soomaaliyeed ee nabadda jecel in ay digtoonaadaan oo ay soo sheegaan wixii falal ah oo ay ka shakiyaan ama alaabihii ay ku arkaan aagaggooda,” ayuu yiri.

Muxuu kula yahay qoraalkan? (Codadka oo dhan 2)

Dislike_icon(1)

(Nidaamka faallada) *Khaanadaha ay tahay in la buuxiyo

Wararkii ugu Dambeeyey

Diiradda

Hoggaamiyaha al-Shabaab oo fariintiisi ugu dambeeysay ee maqalka ahayd ka war-wareegay in uu uga hadlo dhalleecaynta loo soo jeediyay

Bilays xiraya xubin looga shakiyay al-Shabaab-nimo intii lagu jiray howlgal ammaan oo Muqdisho ka dhacay Oktoober 2012-kii. [Abdurashid Abdulle Abikar/AFP]

Axmed Cabdi Godane ayaa ku soo celiyay hadalladii lagu yiqiin balse ku guul-darreeystay in uu ka hadlo eedeynta kaga imanaysa hoggaamiyayaasha kale ee al-Shabaab ee sii kordhaya.

Rukumo

Codayn

Ma u malaynaysaa in mamnuuca ay Tansaaniya saartay hadalka nacaybka diimaha huriya uu joojinayo weerarrada lala beegsado kaniisadaha iyo masaajidda?

Fiirso natiijada

Macluumaad