Kenya oo dib u noolaynayso meheraddi dhar-samaynta

Maarso 02, 2012

  • 1 Faallo
  • Daabac
  • Dib u celi Yaree Kordhi

Dawladda Kenya ayaa bilaabaysa qorshe ay ku kici doonto 1.8 bilyan oo shilin ($22-milyan) oo dib loogu noolaynayo meheradda dhar samaynta oo dib-u-dhacyo ay ku yimaadeen sanadihii dhawaa ka dib markii ay badatay helitaanka dhar horay loo soo isticmaalay, Business Daily Africa ayaa Khamiistii (1-da March) werisay.

Lacagta oo ka imanaysa deyn uu bixinayo Baanka Adduunka ayaa loo isticmaali doonaa in la kordhiyo soo saaridda cudbiga, in la casriyeeyo warshadaha dharka miiqa, waaana lagu dardargelin doonaa meheradda dharka oo hadda ku shaqaysa in ka dhigan 30% oo awooddeeda caadiga ah ka mid ah, ayay qortay jariidaddu.

Xoghayaha Joogtada ah ee Wasaaradda Warshadaynta, Karanja Kibicho, ayaa sheegay in ay wasaaraddu billaabi doonto olole loogu magac daray “Gado wax soo saarka Kenya oo Dhis Kenya" kaasoo lagu xayeysiinayo dharka gudaha lagu sameeyey. Tani waxay dadka ka niyad-jebin doontaa iibsiga kordhaya ee dharka mitumbaha [hudhey] ah oo haatan alaabo ku soo qubaya Kenya,” ayuu yiri Kibicho oo ka hadlayey Machadka Dharka iyo Saamaha ee Thika ku yaal.

Maamulka Canshuuraha Kenya ayaa December wax ku dhaw laballaab sare u qaaday canshuurta laga qaaado konteenarrada alaabaha keena, waxayna sidaa iyada ah ku laballaabeen qiimaha dharka hudheyda ah, sida uu qabo Xiriirka Ganacsadayaasha Gikomba.

(Nidaamka faallada) *Khaanadaha ay tahay in la buuxiyo

Faallada akhristaha

  • solomon mangira kipkosgei
    June 26, 2012 @ 07:38:10AM

    Shaqa la’aanta ragaadisay dalka Kenya waxaa ugu wacan dharka huudhayda ah ee baaliyoobay ee dalka lagu soo gurayo, markaa waxaan ku talinayaa inaynu fadhiga ka kacno oo aynu warshadeheena dib usoo noolayno, oo aynu taa kaga dayano jaamacada Mooy ee Kenya, oo iyadu sidaa yeeshay.

Wararkii ugu Dambeeyey

Diiradda

Rukumo

Codayn

Al-Shabaab ma ku badbaadi doontaa hoggaanka Axmed Cumar iyadoo isku xiran kadib dhimashadii Axmed Cabdi Godane?

Fiirso natiijada