• 10 Faallo
• Daabac
• Email
• Tweet
• Dib u celi

Al-Shabaab ayaa bilawday in ay kor u qaaddo iibinta hilibka dhurwaaga ee magaalada dekada ah ee koonfurta Soomaaliya Kismaayo si ay lacag ugu hesho dhaqdhaqaaqeeda milatary inta aan la gaadhin dagaalka la sugayo ee ay la galayso ciidamada Soomaaliya iyo kuwa huwanta ,Falanqeeyayaasha ayaa sidaas leh

Culimada Soomaaliya ayaa waligood u arkayay in cunida hilibka dhuwaagu ay tahay mid xaaran ku ah Islaamka sababta oo ah in xayawankan uu cuno hilibka bakhtiyay ee dadka iyo xayawaankaba

Arintan cusub ayaa ah mid ka mid ah calaamadaha cadaynaya xaalada dhaqaale ee aadka u adag ee kooxadan la bahawday al-Qaacidda soo foodsaartay iyada oo ciidamada Soomaaliya iyo kuwa huwantu ay bilaabeen in ay la wareegaan saldhigyada al-Shabaab ee waddanka oo dhan.

Si loogu qanciyo shacabka in cunida hilibka kaas oo inta badan dhintay sababata oo ah xayawankan maydka cuna, gabacsatada al-Shabaab ayaa isticmaalayay khuraafaadka qadiimka ah ee sixirka madow si ay kuwa aan wax badan ogayn ay u ugaadhsadaan. Sulaymaan Cabdi Guuleed oo ah cunto kariye Hoteelka AlKhaleej ehelkiisuna ay Kismaayo joogaan ayaa sidaas yidhi.

Sida ay qabaan dadka isticmaala sixirka madow hilibka dhurwaaga ayaa waxa uu fiican yahay in uu sixirka celiyo, cudurkana ka difaaco , ishana ka celiyo.

"Arintan waa arin murugadeeda leh sababta oo ah waa arin ka baxsan dhaqanka [Soomaalida] in dhurwaaga la cuno, gaar ahaan iyada oo la heli karo xayawaan kale oo la cuni karo," ayuu yidhi. Al-Shabaab waa koox aan faa'iido lahayn kuwaas oo isku dayaya in ay u isticmaalaan dhurwaaga iyo khuraafaadka sirxirka madow dhaqdhaqaaqooda milatari.

Khaliif Maxamuud, oo ah ganacsade reer Kismaayo ah, ayaa sheegay in al-Shabaab ay lacag ka sameeyan ka ganacsiga iyo xakamaynta qawraca dhurwaaga

Al-Shabaab ayaa gacanta ku haysa meesha magaalada ugu wayn ee xoolaha lagu qawraco, waa in aan lacag bixino si aan u qawracno haragana uga saarno xayawaanka markii la soo ogaadhsado," ayuu Sabahi u sheegay.

Hilibka dhurwaagu -- ma mid ay diintu banaysay baa mise waa mid ay xaaraantimaysay?

Sheekh Maxamuud Aw Cabdulle Cariif oo ah sheekh Soomalaiyeed ayaa sheegay in dadka laga xaaraantimeeyay ugaadhsiga iyo cuntida dhurwaaga markii la fiiriyo qaanuunka shareecada

"Dhurwaaga ayaa ka mid ah xayawaanada kuwa ugu khaa'insan uguna cirka wayn, iyaga oo adhiga ugaadhsada dadka hilibkiisana cuna,". ayuu yidhi. " Waxay kale oo faqaan xabaalaha kana soo bixiyaan maydka cunaana, waxaa intaas dheer in ay cunaan ragada xoolaha, cayayanka iyo hadhaaga xawaanka kale.

Mursal Isaaq oo ah u dhaqdhaqaaqe bulshada madaniga ah ee Muqdisho ayaa sheegay in xaalada dhaqaale ee aadka u hoosaysa ee al-Shabaab ay kooxdan u horseeday in ay maciinsadaan ka ganacsiga dhuxusha iyo hilibka dhurwaaga si ay u maalgaliyaan dhaqdhaqaaqooda milatari.

"Dhurwaagu waa xayawaan wasakh ah oo cuna raqda dhimatay, waana sidaas sababta aan uga codsanayo walaalaaha Kismaayo jooga in ay iska ilaaliyaan cunida hilibkiisa," ayuu Sabahi u sheegay. " Ilaahay wuxuu nagu galadaystay xayawaan dhuleed iyo mid badeed, waxaan aaminsanahy in ay fiican tahay in laga fogaado xaywaankan."

Isaaq ayaa sheegay in al-Shabaab ay isku dayayso in ay xoojiso xaaladeeda kala daadsan ee dhaqaale, sababata oo ah waxay ka cabsanayaan in xoog ahaan ay u jabiyaan ciidamada Soomaaliya iyo kuwa Midawga Afrika ee jooga Soomaaliya (Amisom).

Sagal Xasan Cali, oo ka shaqeeysa mukhaayad yar oo ku taala Wadada Afmadow oo ah meel ka yara baxsan Kismaayo ayaa sheetay in aysan waligeed cunaynin hilibka dhurwaaga aysanna isku dayaynin in ay ogaadhsato xayawaankan sharka badan.

Waxay Sabahi u sheegaty in ay ka xanaaqsan tahay in suuqa maxaliga uu noqdo goob looga ganacsado hilibkiisa

Al-Shabaab oo kala jajabaysa

Muna Macalin Eenow, oo ah qof ku takhsusay Cilimiga Bulshada ayaa sheegaty in iibinta hilibka dhurwaaga ee suuqa Kismaayo ay u shaqaynayso maslaxadda kooxdan oo hubka u qaaday ka soo horjeedsashada dawladda Soomaaliya iyo cidamada AMISOM.

Sidaas oo ay tahay, waxay Sabahi u sheegaty in guul darada, naf lacaarnimada iyo jabka madaxda al-Shabaab soo gaadhay ay u tahay guul ciidamada is bahaystay.

Muno ayaa sheegaty in ciidamad Soomaaliya oo garabsanaya kuwa AMISOM ay ka saari doonaan al-Qaacidda iyo kuwa raacsan ee Soomaalida ah meelaha ay ku dhuumaalaysanaayan ee Kismaayo Marka, Bu'aale , Baardheere iyo Jawhar.

"Ilaa iyo hadda, ciidamada qalabka sida waxay ka aargoosanayeen la dagaalankooda ka dhanka ah al-Qaacidda," ayay tiri. "Guulooyinkaas ayaa waxay na siinayaan rajo ah in ciidamada Soomaaliya ay wali wax fiican samaynayaan, qabiilna u kala qaybsanayn , awoodooduna aysan yarayn."

Lixdii bilood ee la soo dhaafay, al-Shabaab waxaa laga qabsaday xarumo iyo fadhiisimo muhiim ah oo Muqdisho ah iyo degmooyin kale oo ah Afgooye , Balcad iyo Afmadow Ciidamada huwanta ayaa qasaare wayn ku gaadhsiiyay al-Shabaab Gedo Shabeelada Hoose iyo Jubada dhaxe

Khasaarihii dhawaan ku dhacay darteed, ayaa al-Shabaab waxay bilawday xeelo cusub sida olole been abuursasho ah iyo weerar argaggixiso oo Kenya gudaheeda ah, iyo shirqoolo dilmo ah oo suxufiyiinta loogu gaystay Muqdisho.