• 16 Faallo
• Daabac
• Email
• Tweet
• Dib u celi

Madaxda Kenya ayaa al-Shabaab ku eedeeyay labada weerar oo lala kala beegsaday kaniisad iyo makhaayad ku yaalla deggaanka Mombaasa kaasi oo dhacay Sabtidii (March 31-keedii), iyagoo cambaareeyay rabshadaha ballanna ku qaaday inay soo xiri doonaan dadkii falkaasi ka dambeeyay.

“Waxaan isticmaali doonnaa wixii cudud ah ee markaasi jirta si aan u tirtirno kooxdan argaggixisada ah,” ayuu Wasiirka Amniga Guddaha ee Kenya George Saitoti uu Mombasa ka sheegay isagoo u laab-qaboojinayey dadkii ay dhibaatadu qaraxyadaasi ka soo gaartay ee ku sugnaa Isbitaalka Guud ee Xeebta. “Kenya waa inay markasta heegan ahaataa. Ka daali mayno inaan ugaarsanno dadkan ilaa aan ka cirib-tirayno. Waxay soo baab’iyeen dalkoodii hadana waxay halkan u yimaadeen inay baabi’iyaan dhaqaalaha Kenya.”

Hal qof ayaa lagu dilay, 33 qof oo kalena way ku dhaawacmeen weerarkii dhacay Sabtidii. Weerarkii hore wuxuu dhacay abbaaraha 6:30 maqribnimo, kaasi oo lala beegsaday dad Masiixiyiin ah oo isugu soo ururay oo bannaanka ku tukanayay goobtaasi oo ahayd Mtwapa oo 10 kiiloo mitir waqooyi-bari kaga toosan magaalada Mombaasa. Weerarka labaad wuxuu cabaara 7 maqribnimo ka dhacay makhaayad ku taala xaafada Tononoka ee Mombaasa.

Qaraxyadu waxay dhaceen wax ka yar laba bilood markii weerar kale oo qarax loo adeegsaday uu ka dhacay boosteejada gaadiidka basaska ee dalka ugu mashquulsan ee Nayroobi ku taalla, weerarkaasi oo lagu dilay 9 qof , 60 qof oo kalena lagu dhaawacay. Bilayska iyo dawladda Kenya ayaa sidoo kale al-Shabaab ku eedeeyay in ay ka dambeeyeen weerarkan.

Wasiirku wuxuu yiri dawladdu waxay dadka reer Kenya iyo dadka booqashada ku joogaba ka ilaalin doonaan al-Shabaab, isagoo yiri waxay rabaan inay dalka Kenya khalkhal geliyaan.

Ra’iisal wasaaraha Kenya Ralia Odinga u xaqiijiyay dadka dalxiiska ah iyo muwaadiniintaba in dawladdu ay kordhisay tallaabooyinka ay ammaanku ku sugayso, isagoo intaasi ku daray in dadka gacanta siinaya dadka weerarka soo qaaday la xiri doono.

“Bilayskayagu waxay soo dhiraandhiriyeen caddaymo aad u mihiima, kuwaasi oo aynaan la wadaagi karin dadwaynaha. Waxay hayaan raad aad u fiican iyagoo isku dayaya inay soo qab-qabtaan kuwii ka dambeeyay falkan naxariis darrada ah,” ayuu yiri Odinga, isagoo sidoo kale kormeeray goobihii ay dhibaatadu saamaysay isbitaalkana ku booqday dadkii weerarka dhibaatadu ka soo gaartay.

“Kenya waa meel ammaan ah. Qofna ma aha in uu u cabsi geliyo dadka dalxiiska ah. Waa inay sii wadaan imaatinka ay Kenya imaanayaan dawladduna way ilaalin doontaa,” ayuu Odinga saxaafada ku yiri.

Af-hayeenka ra’iisal wasaaraha, Dennis Onyango, ayaa Sabahi u sheegay in masuuliyiin dheeraada oo hawlaha ammaanka qaabilsan loo diray magaalada xeebta ku taala si ay u xoojiyaan ammaanka xilliga lagu jiro dabaaldegga Easter-ka, iyadoo Mombaasa tahay goobta ugu wayn ee Kenya loo nasashada tago.

“Ra’iisal wasaarahu wuxuu amar ku siiyay bilayska iyo ha’yadaha kale ee dhinaca ammaanka inay si dhakhso ah u dhaqaaqaan una dardar galiyaan hawlaha ammaanka dhamaan deggaanada xeebaha iyo qaybaha kale ee dalka ee bar-tilmaameedka u noqon kara argaggixisada,” ayuu yiri af-hayeenku.

Saacado ka dib markii masuuliyiintu ay kooxda xiriirka la leh al-Qaacida ku eedeeyeen masuuliyada weerarka, al-Shabaab waxay farriin ku soo qoreen barta ay ku leeyihiin Twitter-ka iyagoo ka digaaya inay weeraro dheeraad ah ka fulin doonaan Kenya ilaa iyo inta ay Ciidamada Kenya ay hawlgalladooda millitari ka wadaan gudaha Soomaaliya.

Hawlgalka Kenya ay Soomaaliya ka waddo ee Linda Nchi waa mid wax ka taray si uu al-Shabaab uga cirib tiro koonfurta Soomaaliya ilaa iyo Oktoobar, ka dib markii weerarro is=daba-joog ah iyo afduub ay al-Shabaab ka sameeyeen deggaanada xeebaha ku yaala. Afduubyadaasi intooda badan waxaa lala beegsaday dadka shisheeyaha ee dalxiiska ah. Bishaan, ciidamada Kenya ay ku biireen kuwa AMISOM.

“Dadwaynaha Kenya waa inay oggaadaan marka ay sii badato ciqaabta ay ciidamada Kenya ciqaabayaan Muslimiinta Soomaaliya ku nool ee aan waxba galabsan, inay magaalooyinka dalka Kenya-na ay noqon doonaan kuwo aan ammaan ahayn; marka ay sii badato tacaddiga ay dadka Muslimiinta ah ee Soomaaliya ku nool ay dareemayaan, ay nolosha dadka reer Kenya-na ay noqon doonto mid xirxiran,” kooxda dagaalamaysa ayaa ka digtay. “ In kani yahay sharci wax ciqaabaya. Ammaankiinu wuxuu ku xiran yahay ammaankeena. Waa dagaal daba dheer, dadka reer Kenya waana inayna jiran sabab ay niyad-sami ay u muujiyaan ama rajo ah inay guul gaari doonaan.”

Sheekh Juma Ngao oo ah madaxa Golaha Talada Qaranka Muslimiinta Kenya, ayaa cambaareeyay weerarada isagoo ku tilmaayay inay yihiin kuwo aan loo qiil-bixin karin kana soo horjeeda dastuurka dalka Kenya.

"Tani waa ka hor imaad laga hor imaanayo xuquuqda dadka kale ay u leeyihiin inay isku yimaadaan ayna cibaadaystaan. Waa fal fulaynimo waana in la cambaareeyaa,” ayuu Sheekhu u sheegay Sabahi. “Dastuurka ayaa damaanad qaadaya sidoo kalena ilaalinaya xuquuqda qof kasta waana in la ixtiraamaa. Dawladdu waa inay si adag oo awood leh ula dhaqantaa kuwa ka dambeeyay weeraradii iyadoon la eegayn diintooda.

On Monday, the Coast General Hospital announced that people injured in the attacks were safe.

Waxaan idiin caddayn karaa in inta badan dadkii bukaanka ahaa, 20 qof ka mid ahi ay isbitaalka laga sii daayay kuwa harayna ayna wax khatar ah ku sugnayn. Xataa wiilkii yaraa ee ay xaaladiisu aadka u liidatay waxaa laga soo saaray qolkii gargaarka degdegga loogu talo-galay, isagoo kaliya u baahan doona dhakhtar khabiir ah oo dhinaca indhaha u qaabilsan si uu qaliin ugu sameeyo mid ka mid ah indhihiisa,” Dr. Maurice Simuyu, oo ah agaasimaha caafimaadka isbitaalka gobolka, ayaa Sabahi u sheegay.

Madaxa bilayska gobolka Xeebta Aggrey Adoli aya Sabahi u sheegay in walxaha qarxa loo adeegsaday weerarada, iyadoo bilayskuna isku dayayaan inay caddeeyaan suuraggalnimada in ay jirto koox kale oo argaggixiso ah oo laga yaabo inay weerarrada qaadeen.

“Waan sii wadnaa baaritaannada, al-Shabaab-na waxay ka mid tahay kooxaha argaggixisada ah ee aan baaritaanka ku wadno,” ayuu yiri Adoli. Baaritaankayagii bilowga ahaa wuxuu tilmaamay in weerarada loo adeegsaday walxaha qarxa, laakiin wali waxaan wadnaa si aan u caddeyno nooca qalab ee uu ahaa iyo meesha ay suurta galka tahay in laga keenay.”

Wuxuu sidoo kale sheegay in goobaha muhiimka ah ammaankooda la kordhiyay, sida Warshada Sifaynta Batroolka ee Kenya ee Mombaasa ku taala.